ഷാര്ജ: ജീപ്പാസ് യൂഫെസ്റ്റ് സീസണ് നാലിൽ സെന്ട്രല് സോണില് ഷാർജ ഇന്ത്യൻ സ്കൂളിന് കിരീടം. 499 പോയൻറിെൻറ മികവിലാണ് നിലവിലെ ചാമ്പ്യന്മാർ വീണ്ടും കിരീടമുയർത്തിയത്. ദുബൈ ഗൾഫ് മോഡൽ സ്കൂൾ റണ്ണേഴ്സ്അപ്പായി. ഷാര്ജയിലെ ഇന്ത്യന് സ്കൂള് ബോയ്സ് വിങ് ജുവൈസാണ് സെന്ട്രല് സോണ് മത്സരങ്ങള്ക്ക് വേദിയായത്. ദുബൈ, ഷാര്ജ എന്നിവിടങ്ങളിലെ സ്കൂളുകള് സെന്ട്രല് സോണില് മാറ്റുരച്ചപ്പോള് വീറും വാശിയുമേറിയ മത്സരക്കാഴ്ചകളാണ് വേദിയില് നിറഞ്ഞത്.
റാസല്ഖൈമ, അജ്മാന്, ഉമ്മുല് ഖുവൈന് എന്നീ എമിറേറ്റുകളിലെ സ്കൂളുകള് ഉള്പ്പെടുന്ന നോര്ത്ത് സോണ് മത്സരങ്ങള്ക്ക് ഇന്ന് തുടക്കമാകും. റാസല്ഖൈമ ഇന്ത്യന് സ്കൂളാണ് നോര്ത്ത് സോണ് മത്സരങ്ങളുടെ വേദി. 34 ഇനങ്ങളിലാണ് ഇത്തവണ മത്സരങ്ങള് നടക്കുന്നത്.
അധ്യാപികമാര്ക്കായി പ്രത്യേക തിരുവാതിരക്കളിയും ഇത്തവണ മത്സര ഇനമായി ഉള്പ്പെടുത്തിയിട്ടുണ്ട്. യൂഫെസ്റ്റ് കലോത്സവ വേദിയിലേക്ക് പ്രവേശനം സൗജന്യമാണ്. ദേശീയദിന അവധി ദിനങ്ങളായതിനാല് ആയിരക്കണക്കിന് കാണികളാണ് യൂഫെസ്റ്റ് വേദിയിലേക്ക് ഒഴുകിയെത്തുന്നത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.