ദുബൈ: ഇന്ത്യയെ നിലനിർത്താനുള്ള സ്വാതന്ത്ര്യസമരമായി തെരഞ്ഞെടുപ്പിനെ കണ്ട് ഇൻഡ്യ മുന്നണി അധികാരത്തിലെത്താനുള്ള പ്രവർത്തനങ്ങൾ നടത്തണമെന്ന് ദുബൈയിൽ നടന്ന തൃശൂർ ജില്ല യു.ഡി.എഫ് കൺവെൻഷൻ ആഹ്വാനം ചെയ്തു. പരിപാടിയിൽ ഓൺലൈനിലൂടെ ജില്ലയിലെ സ്ഥാനാർഥികളായ കെ. മുരളീധരൻ, ബെന്നി ബെഹനാൻ, രമ്യ ഹരിദാസ് എന്നിവർ സംസാരിച്ചു.
യു.ഡി.എഫ് കമ്മിറ്റി ചെയർമാൻ ജമാൽ മനയത്ത് അധ്യക്ഷത വഹിച്ച സംഗമം ഇൻകാസ് യു.എ.ഇ വർക്കിങ് പ്രസിഡന്റ് ഷാജി പരേത്ത് ഉദ്ഘാടനം ചെയ്തു. ഇസ്മായിൽ ഏറാമല മുഖ്യ പ്രഭാഷണം നടത്തി. മുസ്ലിംലീഗ് സംസ്ഥാന കൗൺസിലർ കെ.കെ. ഹംസക്കുട്ടി മുഖ്യാതിഥിയായിരുന്നു.
കെ.എം.സി.സി സംസ്ഥാന സെക്രട്ടറി അഷ്റഫ് കൊടുങ്ങല്ലൂർ, ഇൻകാസ് ദുബൈ ജനറൽ സെക്രട്ടറി ബി.എ നാസർ, ഇൻകാസ് ജില്ല ജനറൽ സെക്രട്ടറി റിയാസ് ചെന്ത്രാപ്പിന്നി, കെ.എം.സി.സി ജില്ല ആക്ടിങ് സെക്രട്ടറി ഹനീഫ തളിക്കുളം, ഇൻകാസ് ദുബൈ വൈസ് പ്രസിഡന്റ് സി.എ. ബിജു, ഇൻകാസ്-കെ.എം.സി.സി ഭാരവാഹികളായ ടൈറ്റസ് പുല്ലൂരാൻ, ബഷീർ വരവൂർ, മുഹമ്മദ് വെട്ടുകാട്, സി. സാദിഖലി, ഷംസുദ്ദീൻ വടക്കേക്കാട്, ചാക്കോ ഊളക്കാടൻ, നൗഷാദ് ഇ-ഡോട്ട്സ്, ജംഷീദ് പാടൂർ തുടങ്ങിയവർ ആശംസ നേർന്നു. യു.ഡി.എഫ് ദുബൈ തൃശൂർ കമ്മിറ്റി ജനറൽ കൺവീനർ പവിത്രൻ സ്വാഗതവും ട്രഷറർ ഫിറോസ് മുഹമ്മദാലി നന്ദിയും പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.