ദുബൈ: ദുബൈ മെട്രോയുടെ മൂന്നു സ്റ്റേഷനുകൾ പേര് മാറുന്നു. ഷറഫ് ഡിജി, പാം ദേര, നഖീൽ ഹാർബർ ടവർ എന്നിവയാണ് പുതിയ പേര് സ്വീകരിക്കുന്നത്. അടുത്തമാസം രണ്ടിനുള്ളിൽ സ്റ്റേഷനുകൾ പൂർണമായും പുതിയ പേരുകളിലേക്ക് മാറുമെന്ന് ട്രാൻസ്പോർട്ട് അതോറിറ്റി അറിയിച്ചു.
ഷറഫ് ഡിജി സ്റ്റേഷൻ മഷ്റഖ് മെട്രോ സ്റ്റേഷനായി പരിണമിക്കും. ദുബൈയിലെ പ്രമുഖ ബാങ്കായ മഷ്റഖ് ബാങ്കാണ് ഈ സ്റ്റേഷെൻറ പേര് സ്വന്തമാക്കിയത്. പാം ദേര സ്റ്റേഷെൻറ പേര് ഗോൾഡ് സൂഖ് എന്നും നഖീൽ ഹാർബർ ടവർ സ്റ്റേഷെൻറ പേര് ജബൽ അലി എന്നും തിരുത്തും. സ്റ്റേഷെൻറ ബോർഡുകളും സൈനേജുകളും മാറ്റുന്ന നടപടികൾ തുടങ്ങിയിട്ടുണ്ട്. ടിക്കറ്റ്, അനൗൺസ്മെൻറ്, എൽ.ഇ.ഡി സ്ക്രീൻ തുടങ്ങിയവയിലും പേരുമാറ്റാനുള്ള നടപടികൾ പുരോഗമിക്കുകയാണ്. ഇത് ജൂൺ രണ്ടോടെ പൂർത്തിയാകും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.