അബൂദബി: കോവിഡ് പ്രതിരോധത്തിന് 11 മെട്രിക് ടൺ സാധനങ്ങൾ യു.എ.ഇ ഇത്തിഹാദ് വിമാനത്തിൽ യ ുക്രെയ്നിലെത്തിച്ചു. കോവിഡ് പ്രതിരോധത്തിനായി പ്രവർത്തിക്കുന്ന ആരോഗ്യ പ്രവർത്തകർക്ക് പ്രയോജനം ലഭിക്കുന്ന സാധന സാമഗ്രികളാണിവ. ഇതോടൊപ്പം യു.എ.ഇയിൽ നിന്ന് 113 യുക്രെയ്നിയൻ പൗരന്മാരെയും ഇത്തിഹാദ് വിമാനത്തിൽ തിരിച്ചയച്ചതായി അധികൃതർ വെളിപ്പെടുത്തി.
കോവിഡ്–19നെതിരായ അന്താരാഷ്ട്ര പോരാട്ടത്തിനുള്ള ഐക്യദാർഢ്യത്തിെൻറ ഭാഗമായാണ് യു.എ.ഇയുടെ സഹായം. യു.എ.ഇ നേതൃത്വവും ജനങ്ങളും യുക്രെയ്ൻ ജനങ്ങൾക്കൊപ്പം നിൽക്കുന്നതായും വെല്ലുവിളി നിറഞ്ഞ സാഹചര്യത്തിൽ അന്താരാഷ്ട്ര സമൂഹം ഐക്യത്തോടെ പ്രവർത്തിക്കേണ്ടതാണെന്നും യുക്രെയ്നിലെ യു.എ.ഇ അംബാസഡർ സാലം അഹമ്മദ് അൽ കാബി പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.