അബൂദബി: കലാകാരന്മാരുടെ ആഗോള സൗഹൃദ കൂട്ടായ്മയായ 'സപ്തസ്വര രാഗലയ' യു.എ.ഇ. ചാപ്റ്റർ, സ്നേഹസംഗമം 2018 എന്ന പേരിൽ സംഘടിപ്പിച്ച കുടുംബ സംഗമം ശ്രദ്ധേയമായി. കല, സംഗീതം, കൃഷി, പാ ചകം എന്നെ മേഖലകൾക്കായി വ്യത്യസ്തമായ ഫെയ്സ്ബുക്ക് പേജുകളിലൂടെ ഒത്തു ചേർന്ന മൂന്നര ലക്ഷത്തോളം അംഗങ്ങൾ കൂട്ടായ്മയിലുണ്ട്. യു.എ.ഇ. ചാപ്റ്റർ സ്നേഹസംഗമത്തിൽ എഴുപതോളം പേർ സംബന്ധിച്ചു. സംഗീതജ്ഞൻ സുശീലൻ മാസ്റ്റർ, സംഗീത സംവിധായകനുമായ സുബൈർ തളിപ്പറമ്പ, കൊച്ചു ഗായികമാരായ കല്യാണി വർമ്മൻ, അനീനാ അനൂപ് എന്നിവരെ ആദരിച്ചു.
ചടങ്ങിൽ അബ്ദുൽ സമദ്, പ്രശാന്ത് നായർ, ബിജു കാട്ടാമ്പള്ളിൽ എന്നിവർ സംസാരിച്ചു. സംഗീത സംവിധായകൻ ബൈജു രവീന്ദ്രൻ, പി.എം. അബ്ദുൽ റഹ്മാൻ എന്നിവർ ആശംസകൾ നേർന്നു. ‘സപ്ത സ്വര രാഗ ലയ’ ഒരുക്കുന്ന സംഗീത ആൽബം, മ്യൂസിക് ബാൻഡ് എന്നിവക്കുള്ള ഒരുക്കങ്ങൾ തുടങ്ങിയതായി സംഘാടകർ അറിയിച്ചു. അമ്പതോളം അംഗങ്ങൾ അവതരിപ്പിച്ച സംഗീത നിശയും മിമിക്സ് പരേഡ്, കോമഡി സ്കിറ്റ്, ആകർഷകങ്ങളായ നൃത്തനൃത്യങ്ങളും അരങ്ങേറി. ബിജോയ് കേശവൻ, രജീഷ് മണി, ബിജോ എരുമേലി, അനൂപ് ദാസ്, ശ്രീജിത് നായർ, അഖിൽ, റഫീഖ്, ചാർളി, സിനാജ്, ഹനീഫ്, പ്രേംജിത്, രാജേഷ്, തുടങ്ങിയവർ നേതൃത്വം നൽകി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.