യു.എ.ഇ ടൂര് (ഫയൽ)
അബൂദബി: മൂന്നാമത് യു.എ.ഇ ടൂര് 2025ന്റെയും മൂന്നാമത് യു.എ.ഇ ടൂര് വിമനിന്റെയും റൂട്ട് സംഘാടക സമിതിയായ അബൂദബി സ്പോര്ട്സ് കൗണ്സില് പ്രഖ്യാപിച്ചു. ഫെബ്രുവരി ആറു മുതല് ഒമ്പതു വരെയാണ് യു.എ.ഇ ടൂര് വിമന് അരങ്ങേറുന്നത്. ദുബൈയില്നിന്ന് തുടങ്ങി അബൂദബിയില് അവസാനിക്കുന്ന 540 കി.മീറ്റര് മത്സരത്തിന് നാലു ഘട്ടങ്ങളാണുള്ളത്.
യു.എ.ഇ ടൂറിന് ഏഴു ഘട്ടങ്ങളുണ്ട്. അല് ദഫ്റയില് തുടങ്ങി അല് ഐനില് അവസാനിക്കുന്ന യു.എ.ഇ ടൂറിന് 1013 കി.മീറ്ററാണ് ദൈര്ഘ്യം.
നാലു ഫ്ലാറ്റ് സ്റ്റേജുകളും രണ്ട് മൗണ്ടെയ്ന് സ്റ്റേജുകളുമാണ് യു.എ.ഇ ടൂറിനുള്ളത്. ഫെബ്രുവരി 17നാണ് യു.എ.ഇ ടൂറിന് തുടക്കമാവുക. അല് ദഫ്റ മേഖലയിലാണ് ഒന്നാം ഘട്ടം. രണ്ടാംഘട്ടം അല് ഹുദൈരിയാത്ത് ദ്വീപിലും മൂന്നാംഘട്ടം റാസല്ഖൈമയിലും നാലാംഘട്ടം ഖിദ്ഫ ബീച്ചിലും അഞ്ചാംഘട്ടം ദുബൈയിലും ആറാംഘട്ടം അബൂദബിയിലും ഏഴാംഘട്ടം അല് ഐനില്നിന്നുമാണ് തുടങ്ങുക.
അല്ഐനിലെ ഹസ്സ ബിന് സായിദ് സ്റ്റേഡിയത്തില്നിന്നാണ് മൗണ്ടെയ്ന് സ്റ്റേജ് തുടങ്ങുക. അല്ഐനിലെ പ്രമുഖ കേന്ദ്രങ്ങള് കടന്നുപോവുന്ന സൈക്ലിങ് മത്സരം ജബല് ഹഫീത്തിലാണ് സമാപിക്കുക. ലോകോത്തര സൈക്ലിങ് താരങ്ങള് ഇരുമത്സരങ്ങളിലും പങ്കെടുക്കും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.