ദുബൈ: ഇത്തിസലാത്ത് ആയാലും ഡു കണക്ഷൻ ആണെങ്കിലും യു.എ.ഇയിലെ മൊബൈൽഫോണുകളിൽ ഇന്നലെ രാവിലെ മുതൽ നെറ്റ്വർക്ക് യു.എ.ഇ സൗദി ടുഗദർ എന്നായിരുന്നു. ആദ്യമാത്രയിൽ തോന്നിയ അൽഭുതം 23ാം തീയതി ദേശീയ ദിനമാഘോഷിക്കുന്ന സഹോദരരാജ്യത്തോടുള്ള െഎക്യദാർഢ്യ പ്രകടനമാണിതെന്നറിഞ്ഞതോടെ ആഹ്ലാദമായി മാറി.
യു.എ.ഇയിൽ നിരവധി കലാ-സാംസ്കാരിക പരിപാടികളാണ് സൗദി ദിനത്തോടനുബന്ധിച്ച് അരങ്ങേറുക. ഇരു രാജ്യങ്ങളുടെയും സൗഹൃദം വരച്ചുകാണിക്കുന്ന ലോഗോയും പുറത്തിറക്കിയിട്ടുണ്ട്. വിമാനത്താവളങ്ങളിൽ വന്നിറങ്ങിയ യാത്രക്കാരുടെ പാസ്പോർട്ടുകളിൽ ഇൗ ചിഹ്നമുള്ള സീലാണ് പതിപ്പിച്ചത്.
സൗദി അറേബ്യയിലെ സഹോദരങ്ങൾക്ക് 87ാം ദേശീയ ദിനത്തിൽ അഭിനന്ദനങ്ങളറിയിച്ച് യു.എ.ഇ വൈസ്പ്രസിഡൻറും പ്രധാനമന്ത്രിയും ദുബൈ ഭരണാധികാരിയുമായ ശൈഖ് മുഹമ്മദ് ബിൻ റാശിദ് ആൽ മക്തൂം ട്വീറ്റ് ചെയ്തു. ഇരു രാജ്യങ്ങളും പങ്കാളിത്തം പരിലാളിക്കുന്നുവെന്നും അവരുടെ സന്തോഷം നമ്മുടെ സേന്താഷമാണെന്നും ശൈഖ് മുഹമ്മദ് അഭിപ്രായപ്പെട്ടു. ഡു മൊബൈൽ-ലാൻറ് ഫോണുകളിൽ നിന്ന് ഇന്ന് മുതൽ 23ന് അർധരാത്രി വരെ സൗദിയിലേക്കുള്ള കാളുകൾക്ക് 50 ശതമാനം കിഴിവുണ്ട്. 23ന് വെടിക്കെട്ടുകളും സംഗീത പരിപാടികളുമുണ്ടാവും. മാജിദ് അൽ ഫുത്തെമിനു കീഴിലെ എമിറേറ്റ്സ്മാൾ, സിറ്റിസെൻററുകൾ എന്നിവിടങ്ങളിൽ കിഴിവും സമ്മാന പദ്ധതികളും പ്രഖ്യാപിച്ചിട്ടുണ്ട്. ഡ്രാഗൻ മാർട്ടിൽ സൗദി പതാക വിതരണവും ഗാന പരിപാടികളുമുണ്ട്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.