ഷാർജ: ഷാർജ പ്രൈവറ്റ് എജുക്കേഷൻ അതോറിറ്റി (എസ്.പി.ഇ.എ) സ്കൂൾ തുറക്കുന്നതിന് മുന്നോടിയായി പഠനരീതി തിരഞ്ഞെടുക്കാൻ വിദ്യാർഥികൾക്ക് മൂന്ന് ഓപ്ഷനുകൾ നൽകി. വീട്ടിലിരുന്ന് വിദൂരമായി പഠിക്കുക, സ്കൂളിൽ പോകുക, അല്ലെങ്കിൽ വിദൂര പഠനവും ക്ലാസ് റൂം അടിസ്ഥാനമാക്കിയുള്ള അധ്യാപനവും സംയോജിപ്പിച്ചുള്ള പഠനരീതി തിരഞ്ഞെടുക്കുക എന്നിങ്ങനെ മൂന്നു അവസരങ്ങളാണ് നൽകിയിരിക്കുന്നത്.
വിദ്യാർഥികളുടെ സുരക്ഷക്കായി ആവശ്യമായ എല്ലാ പ്രതിരോധ, മുൻകരുതൽ നടപടികളും നൽകാൻ അതോറിറ്റി അതീവ ശ്രദ്ധ പുലർത്തുമെന്ന് ഷാർജ പ്രൈവറ്റ് എജുക്കേഷൻ അതോറിറ്റി ഡയറക്ടർ അലി അൽ ഹൊസാനി മാതാപിതാക്കൾക്ക് ഉറപ്പുനൽകി. കൂടാതെ, സ്കൂളുകളിലെ സാഹചര്യങ്ങൾ പിന്തുടരാൻ ബന്ധപ്പെട്ട എല്ലാ അധികാരികളെയും ഉൾപ്പെടുത്തി ഒരു സംയുക്ത സമിതി രൂപവത്കരിച്ചിട്ടുണ്ടെന്നും അൽ ഹൊസാനി പറഞ്ഞു. സ്കൂളുകൾ സുരക്ഷിതമാണെന്നും വിദ്യാർഥികളെ സ്വീകരിക്കാൻ പൂർണമായും തയാറാണെന്നും നേരിട്ടുള്ള പഠനം പിന്തുടരണമെന്നും ഡയറക്ടർ മാതാപിതാക്കളോട് അഭ്യർഥിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.