ഫാത്തിമ സനയും മുഹമ്മദ് ഷസിനും റെക്കോഡ് സർട്ടിഫിക്കറ്റുകളുമായി
ദുബൈ: ബഹിരാകാശത്തേക്കാണ് മുഹമ്മദ് ഷസിെൻറ നോട്ടമെങ്കിൽ പൂക്കളോടാണ് ഫാത്തിമ സനക്ക് ഇഷ്ടം.ബഹിരാകാശ വിസ്മയങ്ങളും പൂക്കളുടെ ശാസ്ത്രീയ നാമങ്ങളും ഓർത്തെടുത്ത് ഇന്ത്യ ബുക്സ് ഓഫ് റെക്കോഡ്സിൽ ഇടംപിടിച്ചിരിക്കുകയാണ് പത്ത് വയസ്സുകാരൻ ഷസിനും ആറ് വയസ്സുകാരി സനയും.
ദുബൈ ഹെൽത്ത് അതോറിറ്റിയിലെ ഫാർമസിസ്റ്റായ മലപ്പുറം താനൂർ പുതിയൻറകത്ത് സിദ്ദീഖിെൻറയും ഷാർജയിൽ ഫാർമസിസ്റ്റായ ഷഹാനയുടെയും മക്കളാണ് റെക്കോഡ് ബുക്കിൽ ഇടംപിടിച്ചത്.ഒരുമിനിറ്റിൽ 49 പൂക്കളെ തിരിച്ചറിയുകയും അതിെൻറ ശാസ്ത്രീയ നാമങ്ങൾ ഓർത്തെടുക്കുകയും ചെയ്താണ് സന റെക്കോഡിട്ടത്. റോസിെൻറ ശാസ്ത്രീയ നാമമായ റോസ ഇൻഡിക, ബോട്ട്ൽ ബ്രഷിെൻറ കലിസ്റ്റമൻ തുടങ്ങിയവയെല്ലാം നിമിഷനേരത്തിനുള്ളിൽ സന ഓർത്തെടുത്തു.
ബഹിരാകാശവും ഗ്രഹങ്ങളുമായിരുന്നു ഷസിെൻറ വിഷയം. ഒരുമിനിറ്റിനുള്ളിൽ മറുപടി പറഞ്ഞത് 45 ചോദ്യങ്ങൾക്ക്. അജ്മാൻ വുഡെംപാർക്ക് സ്കൂളിലെ ഗ്രേഡ് നാല് വിദ്യാർഥിയാണ് ഷസിൻ. ഇതേ സ്കൂളിൽ ഗ്രേഡ് ഒന്നിലാണ് സന.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.