അബൂദബി: അബൂദബിയിലെ സ്കൂളുകളിൽ ബാക്ക് ടു ഗുഡ് ഹെൽത്ത് എന്ന പേരിൽ മൊബൈൽ ക്ലിനിക്കുകളുടെ സേവനം ലഭ്യമാക്കി വി.പി.എസ് ഗ്രൂപ്പ്. വി.പി.എസ് ഗ്രൂപ്പ് സ്ഥാപനങ്ങളായ മുസഫയിലെ എൽ.എൽ.എച്ച് ഹോസ്പിറ്റൽ, ലൈഫ് കെയർ ഹോസ്പിറ്റൽ, മുസഫ ഷാബിയ ഒമ്പതിലെ എൽ.എൽ.എച്ച് മെഡിക്കൽ സെൻറർ എന്നിവ സംയുക്തമായാണ് മൊബൈൽ ക്ലിനിക്കുകൾ വഴി സ്കൂളുകൾ കേന്ദ്രീകരിച്ച് സേവനം നൽകുന്നത്.സ്കൂൾ വിദ്യാർഥികൾക്ക് ആരോഗ്യ ബോധവത്കരണം, പരിശോധ, സ്ക്രീനിങ്ങുകൾ എന്നിവയാണ് നൽകുന്നത്.
അബൂദബി ഡ്യൂൺസ് ഇൻറർനാഷനൽ സ്കൂളിൽ 500ലേറെ വിദ്യാർഥികൾക്ക് സേവനം ലഭ്യമാക്കി മൊബൈൽ ക്ലിനിക്കുകളുടെ ഉദ്ഘാടനം അബൂദബി നഗരസഭ പ്രതിനിധികളും വി.പി.എസ് ഗ്രൂപ്പിലെ വിദഗ്ധരും ചേർന്ന് നിർവഹിച്ചു. കാഴ്ച, കേൾവി സംബന്ധമായ അസുഖങ്ങൾ, ദന്ത രോഗങ്ങൾ, മറ്റു ആരോഗ്യ പ്രശ്നങ്ങൾ എന്നിവ തിരിച്ചറിയാനുള്ള പരിശോധനകളാണ് പ്രധാനമായും പദ്ധതി വഴി ഉദ്ദേശിക്കുന്നതെന്ന് വി.പി.എസ് പ്രതിനിധി. വ്യക്തമാക്കി. രണ്ട് മാസത്തിനകം അബൂദബിയിലെ 15 സ്കൂളുകളിൽ ഈ മൊബൈൽ ക്ലിനിക്കുകൾ സന്ദർശനം നടത്തുമെന്നും അദ്ദേഹം കൂട്ടിച്ചേർത്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.