അബൂദബി: യേശു ക്രിസ്തുവിെൻറ ഉയിർപ്പ് പെരുന്നാൾ വരെ നീണ്ടുനിൽക്കുന്ന പീഡാനുഭവ വാരത്തിന് തുടക്കം കുറിച്ച് ഒാശാന പെരുന്നാൾ അബൂദബി സെൻറ് ജോർജ് ഓർത്തഡോക്സ് ദേവാലയത്തിൽ ആചരിച്ചു. യേശു ക്രിസ്തു കഴുതപ്പുറത്തേറി ജറുസലേമിലേക്ക് നടത്തിയ രാജകീയ യാത്രയുടെ ഓര്മ പുതുക്കലാണ് ഒാശാന പെരുനാൾ. യേശുവിനെ ഒലിവിലകളും കുരുത്തോലകളും വീശി ജനങ്ങൾ എതിരേറ്റതിെൻറ ഓർമ പുതുക്കി നൂറുകണക്കിന് വിശ്വാസികൾ കുരുത്തോല പിടിച്ചും പൂക്കൾ വിതറിയും പള്ളിയെ പ്രദിക്ഷിണം ചെയ്തു.
ദേവാലയത്തിൽനിന്ന് വാഴ്ത്തി നൽകുന്ന കുരുത്തോലകൾ വീടുകളിൽ സൂക്ഷിക്കാൻ വിശ്വാസികൾ കൊണ്ടുപോയി. ഒാശാന ശുശ്രൂഷകൾക്ക് ഇടവക വികാരി ഫാ. എം.സി. മത്തായി മാറാഞ്ചേരിൽ മുഖ്യ കാർമികത്വം വഹിച്ചു. സഹ. വികാരി ഫാ ഷാജൻ വർഗീസ് സഹകാർമികനായി. കത്തീഡ്രൽ ട്രസ്റ്റി സ്റ്റീഫൻ മല്ലേൽ, സെക്രട്ടറി സന്തോഷ് പവിത്രമംഗലം, മാനേജിങ് കമ്മറ്റി അംഗങ്ങൾ എന്നിവരുടെ നേതൃത്വത്തിലാണ് ക്രമീകണങ്ങൾ നടന്നത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.