ദുബൈ: ആഗോള സർക്കാർ ഉച്ചകോടി ദുബൈയിൽ സമാപിച്ചതിന് പിന്നാലെ അടുത്ത വർഷത്തെ ഉച്ചകോടിയുടെ തീയതിയും പ്രഖ്യാപിച്ചു. 2024 ഫെബ്രുവരി 12 മുതൽ 14 വരെയായിരിക്കും ഉച്ചകോടി. ഇതു സംബന്ധിച്ച് യു.എ.ഇ വൈസ് പ്രസിഡൻറും പ്രധാനമന്ത്രിയും ദുബൈ ഭരണാധികാരിയുമായ ശൈഖ് മുഹമ്മദ് ബിൻ റാശിദ് ആൽ മക്തൂം അധികൃതർക്ക് നിർദേശം നൽകി. ഉച്ചകോടിയുടെ പത്താം എഡിഷൻ ബുധനാഴ്ചയാണ് സമാപിച്ചത്. 150 രാജ്യങ്ങളിൽ നിന്ന് 10,000 പ്രതിനിധികളാണ് പങ്കെടുത്തത്. 80 കരാറുകളും ഒപ്പുവെച്ചു. വിവിധ രാജ്യങ്ങളിലെ 20 ഭരണത്തലവന്മാരും 250 മന്ത്രിമാരും പങ്കെടുത്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.