ദുബൈ: ദുബൈ സ്പോർട്സ് കൗൺസിൽ ഒരുക്കുന്ന നാസ് നൈറ്റ് ചലഞ്ച് ഇക്കുറി കൂടുതൽ സന്തോഷം പകരും. നാദൽ ശീബ സ്പോർട്സ് കോംപ്ലക്സിൽ മാർച്ച് 15,16 തീയതികളിൽ നടക്കുന്ന ചലഞ്ച് ഇൗ വർഷം അന്താരാഷ്ട്ര സന്തോഷ ദിനവുമായി ബന്ധപ്പെടുത്തി ഹാപ്പിനസ് ചലഞ്ച് ആയാണ് കൊണ്ടാടുക.
12 കടമ്പകൾ കടക്കേണ്ട അഞ്ച് കിലോ മീറ്റർ ഒാട്ടം ഇൗ വർഷം ഉണ്ടാവും. നുഴഞ്ഞു കയറ്റം, വള്ളിച്ചാട്ടം, മതിൽ പിടിച്ചു കയറ്റം, ബാലൻസ് ബീം, കയറേണി, കറുത്ത ദ്വാരം, ചിമ്മിനി എന്നീ കടമ്പകൾ താണ്ടി വേണം വിജയക്കുതിപ്പു നടത്താൻ.
16 വയസിന് മുകളിൽ പ്രായമുള്ള സ്വദേശികൾക്കും വിദേശികൾക്കും പെങ്കടുക്കാം. സ്ത്രീകൾക്കും പുരുഷൻമാർക്കുമായി പ്രത്യേക വ്യക്തിഗത മത്സരങ്ങൾ, പുരുഷ^മിക്സഡ് ടീം മത്സരം, സ്ത്രീകൾക്ക് മാത്രമായി ടീം മത്സരം എന്നിവയുണ്ടാവും. ഒാരോ ഇനത്തിലും വിജയികൾക്ക് ഒന്നാം സമ്മാനമായി 8000 ദിർഹം, രണ്ടാം സ്ഥാനക്കാർക്ക് 4000 ദിർഹം, മൂന്നാം സ്ഥാനക്കാർക്ക് 2000 ദിർഹം എന്നിങ്ങനെ സമ്മാനം ലഭിക്കും. പെങ്കടുക്കാൻ മാർച്ച് 10 വരെ പേര് നൽകാം. www.dubaisc.ae , www.nasst.ae എന്നീ വെബ്സൈറ്റുകളിൽ വിവരങ്ങൾ ലഭ്യമാണ്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.