അബൂദബി: ഹുരൂൺ മാസികയുടെ ആഗോള സമ്പന്നരുടെ പട്ടികയിൽ തുടർച്ചയായ ഏഴാം വർഷവും ഇന്ത്യക്കാരിലെ ഒന്നാം സ്ഥാനം മുകേഷ് അംബാനി നിലനിർത്തി. ചൈന ആസ്ഥാനമായ മാസികയുടെ 2018ലെ പട്ടികയിലാണ് റിലയൻസ് ഇൻഡസ്ട്രീസ് ചെയർമാൻ മുകേഷ് അംബാനി ഇന്ത്യക്കാരിൽ ഒന്നാം സ്ഥാനത്തെത്തിയത്. 45 ബില്യൻ യു.എസ് ഡോളറിെൻറ ആസ്തിയോടെയാണ് മുകേഷ് നേട്ടം കരസ്ഥമാക്കിയത്. ആഗോളാടിസ്ഥാനത്തിൽ 19ാം സ്ഥാനത്താണ് മുകേഷ്. കഴിഞ്ഞ വർഷം ലോകസമ്പന്നരിൽ 29ാം സ്ഥാനമായിരുന്നു ഇദ്ദേഹത്തിന്.
ലുലു ഗ്രൂപ്പ് ചെയർമാൻ എം.എ. യൂസുഫലിയാണ് മലയാളികളിൽ ഏറ്റവും വലിയ സമ്പന്നനായി പട്ടികയിൽ ഇടം പിടിച്ചത്. അഞ്ച് ബില്യൻ ഡോളർ ആസ്തിയുള്ള അദ്ദേഹത്തിന് ഇന്ത്യക്കാരിൽ 19ാം സ്ഥാനവും ആഗോളാടിസ്ഥാനത്തിൽ 465ാം സ്ഥാനവുമാണ്. ആഗോളാടിസ്ഥാനത്തിൽ ആമസോണിെൻറ ജെഫ് ബെസോസാണ് പട്ടികയിൽ ഒന്നാം സ്ഥാനത്ത്. 123 ബില്യൻ േഡാളറാണ് ജെഫ് ബെസോസിെൻറ ആസ്തി.
ബാർക്ഷയർ ഹതാവേയുടെ വാറൻ ബഫറ്റ് (102 ബില്യൻ േഡാളർ), മൈക്രോസോഫ്റ്റിെൻറ (90 ബില്യൻ ഡോളർ) എന്നിവരാണ് രണ്ട്, മൂന്ന് സ്ഥാനങ്ങളിൽ. സൺ ഫാർമയുടെ ദിലീപ് സങ്വിയാണ് ഇന്ത്യയിലെ ഏറ്റവും വലിയ രണ്ടാമത്തെ സമ്പന്നൻ. ആസ്തി 15 ബില്യൻ യു.എസ് ഡോളർ. അദാനി എൻറർപ്രൈസസ് ഉടമയായ ഗൗതം അദാനിയാണ് മൂന്നാം സ്ഥാനത്ത്. 14 ബില്യൻ ഡോളറാണ് ഇദ്ദേഹത്തിെൻറ ആസ്തി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.