രക്തദാന ക്യാമ്പ് വെൽഫെയർ കോഓഡിനേറ്റർ ടി.സി. സമീന്ദ്രൻ ഉദ്ഘാടനം ചെയ്യുന്നു
ഷാർജ: ഷാർജ ബ്ലഡ് ബാങ്കുമായി സഹകരിച്ച് മാസ് ഗുബൈബ മേഖല വെൽഫെയർ കമ്മിറ്റിയുടെ ആഭിമുഖ്യത്തിൽ ഗുബൈബ യൂനിറ്റ് രക്തദാന ക്യാമ്പ് നടത്തി. ബ്ലഡ് ബാങ്കിനു കീഴിൽ രക്തദാനത്തിനായി പ്രത്യേകം സജ്ജീകരിച്ച വാഹനത്തിൽ ഷാർജ മെഗാ മാളിനു സമീപമുള്ള തുറസ്സായ സ്ഥലത്താണ് ക്യാമ്പ് സംഘടിപ്പിച്ചത്. രക്തദാനത്തിലും പ്ലേറ്റ് ലറ്റുകൾ ദാനം ചെയ്യുന്നതിലും ഷാർജ ഗവൺമെന്റിന്റെ അംഗീകാരം നേടിയ സാംസ്കാരിക സംഘടനയാണ് മാസ്. ക്യാമ്പിൽ വിവിധ തുറകളിൽ നിന്നായി നൂറോളം പേരാണ് രക്തദാനം നടത്തിയത്.
മാസ് സെൻട്രൽ വെൽഫയർ കോഓഡിനേറ്റർ ടി.സി. സമീന്ദ്രൻ രക്തദാന ക്യാമ്പ് ഉദ്ഘാടനം ചെയ്തു. യൂനിറ്റ് പ്രസിഡന്റ് രതീഷ് ദിവാകർ അധ്യക്ഷനായ ചടങ്ങിൽ മാസ് സെൻട്രൽ വൈസ് പ്രസിഡന്റ് പ്രമോദ് മടിക്കൈ, മേഖല പ്രസിഡന്റ് ഷൈജു, വെൽഫെയർ കൺവീനർ ഷാജിമോൻ എന്നിവർ ആശംസ അറിയിച്ചു. യൂനിറ്റ് സെക്രട്ടറി അനീഷ് അബ്ദുൽ റഹീം സ്വാഗതവും ജോയന്റ് സെക്രട്ടറി സുപിൻ നന്ദിയും പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.