വാദി ഷൗക്കയിൽ നടന്ന ശുചീകരണ യജ്ഞത്തിൽ പങ്കെടുത്തവർ
ദുബൈ: ഹൈക്കർമാരുടെ ഇഷ്ടകേന്ദ്രമായ വാദി ഷൗക്കയിൽ മലയാളി സാഹസികരുടെ ശുചീകരണയജ്ഞം. ഗ്രീൻവേ അഡ്വഞ്ചേഴ്സിെൻറ നേതൃത്വത്തിലാണ് അന്താരാഷ്ട്ര യുവജന ദിനത്തിൽ ഷൗക്കയിലെ ആറ് കിലോമീറ്ററിൽ ശുചീകരണം നടത്തിയത്.
രാവിലെ 6.30ന് തുടങ്ങിയ പരിപാടി 10.30 വരെ നീണ്ടു. ഹൈക്കിങ് മേഖലകളിലെ പ്ലാസ്റ്റിക് മാലിന്യങ്ങൾ ഉൾപ്പെടെ ശേഖരിച്ച് ഇവിടെ നിന്ന് നീക്കം ചെയ്തു. പ്രകൃതി സംരക്ഷണം ലക്ഷ്യമിട്ട് 'ഗീവ് ബാക്ക് ടു ദ കമ്യൂണിറ്റി' എന്ന പേരിൽ നടത്തുന്ന കാമ്പയിനിെൻറ ഭാഗമായാണ് ശുചീകരണം നടത്തിയത്.
മലയാളി ഹൈക്കറായ നാസർ ഹുസൈെൻറ നേതൃത്വത്തിൽ നടന്ന ശുചീകരണത്തിൽ മറ്റ് രാജ്യങ്ങളിൽ നിന്നുള്ളവരും പങ്കെടുത്തു. യുവാക്കളിൽ പരിസ്ഥിതി അവബോധം വളർത്താനാണ് യുവജന ദിനത്തിൽ പരിപാടി സംഘടിപ്പിച്ചത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.