കെ.പി. കാസിം ഹാജിക്ക് ‘പാസ്’ നൽകിയ യാത്രയയപ്പ്
ഷാർജ: 40 വർഷത്തെ പ്രവാസജീവിതം അവസാനിപ്പിച്ച് നാട്ടിലേക്കു മടങ്ങുന്ന കെ.പി. കാസിം ഹാജിക്ക് പ്രവാസി അസോസിയേഷൻ ശാന്തിനഗർ (പാസ്) യാത്രയയപ്പ് നൽകി. ജീവകാരുണ്യ പ്രവർത്തനരംഗത്ത് സജീവമായ കാസിംക്കയുടെ സേവനം ഇനി നാട്ടിൽ ലഭ്യമാവുന്നു എന്നുള്ളത് സന്തോഷകരമാണെന്ന് ഉദ്ഘാടനം നിർവഹിച്ച ടി. മുഹമ്മദ് വേളം പറഞ്ഞു.
ജി.സി.സിയിൽനിന്നും നാട്ടിൽനിന്നുമായി പ്രമുഖർ ഉൾെപ്പടെ നൂറോളം പേർ ഓൺലൈൻ മീറ്റിങ്ങിൽ പങ്കെടുത്തു. പാസ് പ്രസിഡൻറ് ഇഖ്ബാൽ പി.എം. വേളം അധ്യക്ഷത വഹിച്ചു. കെ.കെ. റഫീക്ക് സ്വാഗതം പറഞ്ഞു. അഷ്റഫ് വരിക്കോളി ഉപഹാരം കൈമാറി. സാദിഖ് ഊരള്ളൂർ, അലി മാസ്റ്റർ, ഫാറൂഖ് എം, ജമാൽ ഹാജി കൊളക്കണ്ടം, ജാഫർ ചോയിമടം, ബഷീർ കൊളക്കണ്ടം, ജാഫർ വി.പി, നാസർ വരിക്കോളി എന്നിവർ സംസാരിച്ചു. എം. അൻവർ അലി നന്ദിയും പ്രാർഥനയും നിർവഹിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.