ദുബൈ: ജനാധിപത്യത്തെ വീണ്ടെടുക്കാനുള്ള തെരഞ്ഞെടുപ്പാണ് നടക്കുന്നതെന്നും കോണ്ഗ്രസ് നേതൃത്വം നല്കുന്ന മുന്നണിക്ക് കരുത്തുപകരാന് പ്രവാസികള് രംഗത്തിറങ്ങണമെന്നും ദുബൈ കെ.എം.സി.സി സംസ്ഥാന ആക്ടിങ് പ്രസിഡന്റ് ഇബ്രാഹിം മുറിച്ചാണ്ടി.
ദുബൈ കെ.എം.സി.സി കാസർകോട് ജില്ല കമ്മിറ്റി സംഘടിപ്പിച്ച ജനപക്ഷം 2024 കാസര്കോട് പാര്ലമെന്റ് മണ്ഡലം തെരഞ്ഞെടുപ്പ് കണ്വെന്ഷന് ഉദ്ഘാടനം ചെയ്യുകയായിരുന്നു അദ്ദേഹം.
ദുബൈ കെ.എം.സി.സി കാസർകോട് ജില്ല പ്രസിഡന്റ് സലാം കന്യപ്പാടി അധ്യക്ഷത വഹിച്ചു. ജില്ല ജനറൽ സെക്രട്ടറി ഹനീഫ് ടി.ആർ സ്വാഗതം പറഞ്ഞു. ദുബൈ കെ.എം.സി.സി സെക്രട്ടറി അബ്ദുൽ കാദർ അരിപ്പാമ്പ്ര മുഖ്യപ്രഭാഷണം നടത്തി.
മാധ്യമ പ്രവർത്തകനും സുപ്രഭാതം ചീഫ് എഡിറ്ററുമായ ടി.പി. ചെറൂപ്പ, പുന്നക്കൻ മുഹമ്മദലി, ടി.എ. ഖാലിദ് തെരുവത്, ഹംസ തൊട്ടി, ഹനീഫ് ചെർക്കള, അബ്ദുല്ല ആറങ്ങാടി, അഫ്സൽ മെട്ടമ്മൽ, താജുദ്ദീൻ പൈക തുടങ്ങിയവർ സംസാരിച്ചു. ദുബൈ കെ.എം.സി.സി കാസർകോട് ജില്ല കമ്മിറ്റി പുറത്തിറക്കിയ തെരഞ്ഞെടുപ്പ് പ്രചാരണ ഗാനത്തിന്റെ ലോഞ്ചിങ് മുൻ ജില്ല പ്രസിഡന്റ് അബ്ദുല്ല ആറങ്ങാടിയും പ്രചാരണ പോസ്റ്ററിന്റെ പ്രകാശനം മുൻ ജില്ല ഓർഗനൈസിങ് സെക്രട്ടറി അഫ്സൽ മെട്ടമ്മലും നിർവഹിച്ചു. ജില്ല സെക്രട്ടറി സുബൈർ കുബണൂർ ഖിറാഅത്തും ജില്ല ട്രഷറർ ഡോ. ഇസ്മായിൽ മൊഗ്രാൽ നന്ദിയും പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.