ദുബൈ: ദുബൈ ഫിറ്റ്നസ് ചലഞ്ചിന് പ്രോത്സാഹനവുമായി ജോയ് ആലുക്കാസ് 'സ്റ്റെപ് ബൈ സ്റ്റെപ് ചലഞ്ച്' എന്ന പേരിൽ 30 ദിവസത്തേക്ക് ജീവനക്കാർക്കായി ഫിറ്റ്നസ് ചലഞ്ച് പ്രഖ്യാപിച്ചു. യു.എ.ഇയിലുടനീളമുള്ള ജോയ് ആലുക്കാസിന്റെ ജീവനക്കാർക്ക് പങ്കെടുക്കാനും സമ്മാനം നേടാനും കഴിയും. പ്രതിദിനം 10,000 ചുവടുകൾ പൂർത്തിയാക്കിയാണ് ചലഞ്ചിൽ പങ്കെടുക്കേണ്ടത്.
ആരോഗ്യകരവും അനുയോജ്യവുമായ ജീവിതശൈലി സ്വീകരിക്കാനാണ് തങ്ങൾ ജീവനക്കാരെ പ്രോത്സാഹിപ്പിക്കുന്നതായി സ്റ്റെപ് ബൈ സ്റ്റെപ് ചലഞ്ച് പ്രഖ്യാപിച്ചതെന്ന് ജോയ് ആലുക്കാസ് ജ്വല്ലറി ഇന്റർനാഷനൽ ഓപറേഷൻസ് മാനേജിങ് ഡയറക്ടർ ജോൺ പോൾ ആലുക്കാസ് പറഞ്ഞു. എല്ലാവരെയും ഒരുമിച്ച് കൊണ്ടുവരുന്നതിനും ഓരോ പ്രവർത്തനങ്ങളും ആസ്വദിക്കുന്നതിനും മികച്ച മാർഗമായും ഒപ്പം ജീവനക്കാരുടെ മനോവീര്യം വളർത്തിയെടുക്കാനും ഇത്തരം പ്രവർത്തനങ്ങൾ സഹായിക്കുമെന്ന് അദ്ദേഹം കൂട്ടിച്ചേർത്തു. നവംബർ 27 വരെയാണ് ചലഞ്ച്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.