ദുബൈയിലെ പാർക്കുകളിൽ വീണ്ടും കളിയാരവമുയരുന്നു

ദു​ബൈ: നീ​ണ്ട ഇ​ട​വേ​ള​ക്ക്​ ശേ​ഷം ദു​ബൈ പാ​ർ​ക്കു​ക​ളി​ലെ ക​ളി​ക്ക​ള​ങ്ങ​ൾ പൂ​ർ​ണ​മാ​യി തു​റ​ന്നു. കോ​വി​ഡ് വ്യാ​പ​ന​ത്തെ തു​ട​ർ​ന്ന് ലോ​ക്​​ഡൗ​ൺ പ്ര​ഖ്യാ​പി​ച്ച​തോ​ടെ താ​ഴി​ട്ട ക​ളി​ക്ക​ള​ങ്ങ​ളാ​ണ് ദു​ബൈ ന​ഗ​ര​സ​ഭ ശ​നി​യാ​ഴ്ച മു​ത​ൽ തു​റ​ന്നു​കൊ​ടു​ത്ത​ത്. ഇ​തോ​ടെ ഇ​നി ദു​ബൈ​യി​ലെ പാ​ർ​ക്കു​ക​ളി​ലെ പ്ര​ഭാ​ത​വും സാ​യാ​ഹ്ന​വും കാ​യി​ക​പ്രേ​മി​ക​ളാ​ൽ നി​റ​യും.

ലോ​ക്​​ഡൗ​ൺ പി​ൻ​വ​ലി​ച്ച​തി​ന് പി​ന്നാ​ലെ ദു​ബൈ​യി​ലെ പാ​ർ​ക്കു​ക​ളും കു​ട്ടി​ക​ളു​ടെ ക​ളി​സ്ഥ​ല​ങ്ങ​ളും തു​റ​ന്നു​കൊ​ടു​ത്തെ​ങ്കി​ലും മു​തി​ർ​ന്ന​വ​ർ​ക്കു​ള്ള സൗ​ക​ര്യ​ങ്ങ​ൾ പൂ​ർ​ണ​മാ​യും പ്ര​വ​ർ​ത്ത​നം നി​ർ​ത്തി​വെ​ച്ചി​രു​ന്നു. ഇ​തോ​ടെ പാ​ർ​ക്കു​ക​ളി​ലെ ചെ​റി​യ പു​ൽ​മേ​ടു​ക​ളി​ലാ​യി​രു​ന്നു മു​തി​ർ​ന്ന​വ​രു​ടെ വ്യാ​യാ​മ​വും കാ​യി​ക​പ്ര​ക​ട​ന​ങ്ങ​ളു​മെ​ല്ലാം ന​ട​ന്നി​രു​ന്ന​ത്.

പി​ഴ ചു​മ​ത്തു​മോ എ​ന്ന ആ​ശ​ങ്ക​യോ​ടെ ഇ​നി ക​ളി​ക്കേ​ണ്ടി വ​രി​ല്ലെ​ന്ന് ദു​ബൈ സി​ലി​ക്ക​ൺ ഒ​യാ​സി​സ് പാ​ർ​ക്കി​ൽ സ്ഥി​ര​മാ​യെ​ത്തു​ന്ന പ്ര​വാ​സി​ക്കൂ​ട്ടം പ്ര​തി​ക​രി​ച്ചു. ദു​ബൈ ഫി​റ്റ്ന​സ് ച​ല​ഞ്ച് ഉ​ൾ​പ്പെ​ടെ​യു​ള്ള കാ​യി​ക​പ​രി​പാ​ടി​ക​ൾ കെ​ങ്കേ​മ​മാ​യി ന​ട​ക്കു​ന്ന​തി​നാ​ൽ വ​ലി​യൊ​രു പ​ങ്ക് ചെ​റു​പ്പ​ക്കാ​രും സ്ഥി​ര​മാ​യി ക​ളി​സ്ഥ​ല​ങ്ങ​ളി​ലെ​ത്തി​യി​രു​ന്നു. പ​ല​ർ​ക്കും വാ​രാ​ന്ത്യ​ങ്ങ​ളി​ലെ കൂ​ടി​ച്ചേ​ര​ലു​ക​ൾ കൂ​ടി​യാ​യി​രു​ന്നു ഇ​ത്ത​രം വി​നോ​ദ​ങ്ങ​ളും കാ​യി​ക​പ​രി​ശീ​ല​ന​ങ്ങ​ളും. ന​ഗ​ര​സ​ഭ പ​ണി​ത പാ​ർ​ക്കു​ക​ളി​ൽ സ്ഥി​ര​മാ​യി ക​ളി​ക്കു​ന്ന​വ​ർ പ്ര​ദേ​ശ​വാ​സി​ക​ളു​ടെ വി​ശ​ദാം​ശ​ങ്ങ​ൾ പാ​ർ​ക്ക് സു​ര​ക്ഷാ ഉ​ദ്യോ​ഗ​സ്ഥ​ർ​ക്ക് ന​ൽ​കി അ​നു​മ​തി വാ​ങ്ങ​ണം. പ​രി​സ​ര​ത്തു​ള്ള സ്വ​ദേ​ശി​ക​ളു​ടെ ഉ​ത്ത​ര​വാ​ദി​ത്ത​ത്തി​ലാ​യി​രി​ക്കും പെ​ർ​മി​റ്റ് ന​ൽ​കു​ക.

പൂ​ർ​ണ​മാ​യും കോ​വി​ഡ് മാ​ന​ദ​ണ്ഡ​ങ്ങ​ൾ പാ​ലി​ച്ചാ​യി​രി​ക്കും ക​ളി​ക്ക​ള​ങ്ങ​ളി​ൽ പ്ര​വേ​ശ​നം അ​നു​വ​ദി​ക്കു​ന്ന​ത്. തെ​ർ​മ​ൽ സ്കാ​നി​ങ്​ ഒ​ഴി​വാ​ക്കു​മെ​ങ്കി​ലും സ്ഥി​ര​മാ​യ മാ​സ്ക് ധ​രി​ക്ക​ണം. മാ​ത്ര​മ​ല്ല, വ​ലി​യ സം​ഘ​ങ്ങ​ളാ​യി ക​ളി​ക്കു​ന്ന​തും വി​ല​ക്കി​യി​ട്ടു​ണ്ട്.