ദുബൈ: രാജ്യത്ത് പുതുക്കിയ ഇന്ധന വില പ്രഖ്യാപിച്ചു. പെട്രോളിന് 23 ഫിൽസും ഡീസലിന് 30 ഫിൽസും കുറഞ്ഞു. സൂപ്പർ 98 പെട്രോൾ ലിറ്ററിന് 2.53 ദിർഹമാണ് പുതുക്കിയ വില. ജനുവരിയിൽ 2.70 ദിർഹമായിരുന്നു. 2.42 ദിർഹമാണ് സ്പെഷൽ 95 പെട്രോൾ വില. കഴിഞ്ഞ മാസത്തെ വില 2.58 ദിർഹമായിരുന്നു. ഇ-പ്ലസ് പെട്രോളിന് 2.34 ദിർഹമായി കുറഞ്ഞു. കഴിഞ്ഞ മാസം 2.51 ദിർഹമായിരുന്നു. ഡീസൽ വില ലിറ്ററിന് 2.55 ദിർഹമാണ്. പഴയ വില 2.85 ദിർഹമാണ്.
ആഗോള വിപണിയിൽ ക്രൂഡ് ഓയിൽ വിലയിൽ വരുന്ന മാറ്റത്തിന് അനുസരിച്ചാണ് ഓരോ മാസവും ഇന്ധനവില നിർണയ സമിതി ഇന്ധന വില പുതുക്കാറ്. ഡിസംബർ 31 അർധരാത്രി മുതൽ പുതുക്കിയ വില പ്രബാല്യത്തിൽവന്നു. ഇന്ധനവില കുറഞ്ഞ സാഹചര്യത്തിൽ വിവിധ എമിറേറ്റുകളിലെ ടാക്സി നിരക്കിലും ആനുപാതികമായ മാറ്റം പ്രതിഫലിക്കും. കഴിഞ്ഞ മാസങ്ങളിലും യു.എ.ഇയിൽ തുടർച്ചയായി ഇന്ധനവില കുറച്ചിരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.