അൽഐൻ: ഫ്രണ്ട്സ് ഓഫ് ഗ്രീൻ അൽഐൻ ഈദ്-വിഷു ആഘോഷം സംഘടിപ്പിച്ചു. ‘ഈദിൻ ഇശൽ’ എന്ന പേരിൽ കുവൈത്താത്ത് ലുലു അങ്കണത്തിലാണ് പരിപാടി ഒരുക്കിയത്.
മിമിക്രി കലാകാരൻ മഹേഷ് കുഞ്ഞുമോൻ, മാപ്പിളപ്പാട്ട് ഗായകരായ ആബിദ് കണ്ണൂർ, ഫാസില ബാനു, ആദിൽ അത്തു തുടങ്ങിയവരുടെ നേതൃത്വത്തിൽ കലാപരിപാടികൾ അരങ്ങേറി.
കലാവിരുന്നിന് ബെൻസർ ദുബൈ കോഓഡിനേറ്ററായിരുന്നു. ചടങ്ങ് ഇന്ത്യൻ സോഷ്യൽ സെന്റർ പ്രസിഡന്റ് ജിമ്മി ഉദ്ഘാടനം ചെയ്തു. സലിം മണ്ടേയപ്പുറം സ്വാഗതം ആശംസിച്ച ചടങ്ങിൽ ഫൈസൽ ഹംസ അധ്യക്ഷത വഹിച്ചു.
അൽഐൻ കെ.എം.സി.സി വൈസ് പ്രസിഡന്റ് മുത്തലിബ് കടങ്ങോട്, അൽഐൻ ഇൻകാസ് ആക്ടിങ് പ്രസിഡന്റ് സലീം വെഞ്ഞാറമൂട്, അൽഐൻ മലയാളി സമാജം പ്രസിഡന്റ് രാധാകൃഷ്ണൻ തുടങ്ങി അൽഐനിലെ മലയാളി സംഘടന നേതാക്കളും ലുലു അൽഐൻ റീജനൽ ഡയറക്ടർ ഷാജി ജമാൽ, ഫ്രണ്ട് ഓഫ് ഗ്രീൻ അൽഐൻ രക്ഷാധികാരി ബീരാൻകുട്ടി കാരേക്കാട് തുടങ്ങിയവർ പരിപാടിക്ക് ആശംസ നേർന്നു. മുഹമ്മദ് അനീസ്, സയിദ് സൈൻ തങ്ങൾ, നാസർ വേങ്ങര, അബൂബക്കർ ചാലിൽ, മുസ്തഫ കോട്ടക്കൽ, ഫിറോസ്ബാബു, നയീം മണ്ണാർക്കാട്, മുജീബ് പന്താവൂർ, മുത്തലിബ് ചാവക്കാട്, അബ്ദുൽ കലാം, പി. ഹമീദ്, സബീൽ സലിം തുടങ്ങിയവർ പരിപാടികൾക്ക് നേതൃത്വം നൽകി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.