‘ഫ്രീസോൺ ഓഫ് ഫ്യൂച്ചർ’ പദ്ധതി അടുത്ത വർഷം പ്രഖ്യാപിക്കും

ദു​ബൈ: ന​വീ​ന ആ​ശ​യ​ങ്ങ​ളെ​യും സം​രം​ഭ​ക​രെ​യും ആ​ക​ർ​ഷി​ക്കു​ന്ന​തി​നും പു​തി​യ കേ​ന്ദ്ര​ങ്ങ​ൾ സൃ​ഷ്ടി​ക്കു​ന്ന​തി​നു​മാ​യി ‘​ഫ്രീ​സോ​ൺ സോ​ൺ ഓ​ഫ്​ ഫ്യൂ​ച്ച​ർ’ പ​ദ്ധ​തി അ​ടു​ത്ത വ​ർ​ഷം ആ​രം​ഭി​ക്കു​മെ​ന്ന്​ വേ​ൾ​ഡ്​ ഫ്രീ ​സോ​ൺ ഓ​ർ​ഗ​നൈ​സേ​ഷ​ൻ അ​റി​യി​ച്ചു. പു​ന​രു​പ​യോ​ഗ ഊ​ർ​ജം, ആ​രോ​ഗ്യ​സു​ര​ക്ഷ, വി​നോ​ദ സ​ഞ്ചാ​രം, കാ​ർ​ഷി​ക വ്യ​വ​സാ​യ​ങ്ങ​ൾ, ഉ​ൽ​പാ​ദ​നം തു​ട​ങ്ങി​യ മേ​ഖ​ല​ക​ളി​ൽ സം​രം​ഭ​ക​ത്വ​വും ന​വീ​ക​ര​ണ​വും പ്രോ​ത്സാ​ഹി​പ്പി​ക്കു​ന്ന ബി​സി​ന​സ്​ ഹ​ബു​ക​ളാ​യി ഫ്രീസോ​ണു​ക​ളെ മാ​റ്റു​ക​യാ​ണ്​ ല​ക്ഷ്യ​മെ​ന്ന്​ വേ​ൾ​ഡ്​ ഫ്രീ ​സോ​ൺ ഓ​ർ​ഗ​നൈ​സേ​ഷ​ൻ ചെ​യ​ർ​മാ​ൻ മു​ഹ​മ്മ​ദ്​ അ​ൽ സ​റൂ​ണി പ​റ​ഞ്ഞു.

പ്ര​ഫ​ഷ​ന​ൽ പ​രി​ശീ​ല​ന​ത്തി​നാ​യു​ള്ള അ​ക്കാ​ദ​മി സോ​ൺ, വി​വി​ധ പ​ങ്കാ​ളി​ക​ളു​ടെ സ​ഹ​ക​ര​ണ​ത്തി​നാ​യു​ള്ള ന​യ പ്ര​ഭാ​ഷ​ണ​ങ്ങ​ൾ, കൂ​ടു​ത​ൽ സ​മ്പ​ന്ന​മാ​യ ഭാ​വി​ക്കാ​യി ദേ​ശീ​യ സാ​മ്പ​ത്തി​ക ച​ട്ട​ക്കൂ​ടി​ലേ​ക്ക് ഫ്രീ ​സോ​ണു​ക​ളെ സം​യോ​ജി​പ്പി​ക്കു​ന്ന​തി​നു​ള്ള ദേ​ശീ​യോ​ദ്ഗ്ര​ഥ​ന പ​ദ്ധ​തി എ​ന്നി​വ ഇ​തി​ന്‍റെ ഭാ​ഗ​മാ​യി പ്ര​ഖ്യാ​പി​ക്കു​മെ​ന്നും അ​ദ്ദേ​ഹം പ​റ​ഞ്ഞു. വേ​ൾ​ഡ്​ ഫ്രീ​സോ​ൺ ഓ​ർ​ഗ​നൈ​സേ​ഷ​ൻ സം​ഘ​ടി​പ്പി​ച്ച 10ാമ​ത്​ വേ​ൾ​ഡ്​ കോ​ൺ​ഗ്ര​സി​ൽ സം​സാ​രി​ക്കു​ക​യാ​യി​രു​ന്നു അ​ദ്ദേ​ഹം. നി​ല​വി​ൽ 44 ഫ്രീ​സോ​ണു​ക​ളാ​ണ്​ യു.​എ.​ഇ​യി​ൽ പ്ര​വ​ർ​ത്തി​ക്കു​ന്ന​ത്.

സാ​​ങ്കേ​തി​ക വി​ദ്യ, ആ​രോ​ഗ്യ​സു​ര​ക്ഷ, ലോ​ജി​സ്റ്റി​ക്സ്, സാ​മ്പ​ത്തി​കം തു​ട​ങ്ങി​യ മേ​ഖ​ല​ക​ളി​ലു​ള്ള വി​വി​ധ സേ​വ​ന​ങ്ങ​ളും കാ​ര്യ​ക്ഷ​മ​മാ​യ അ​ടി​സ്ഥാ​ന സൗ​ക​ര്യ​ങ്ങ​ളു​മാ​ണ്​ ഫ്രീ​സോ​ണു​ക​ളി​ൽ ന​ൽ​കു​ന്ന​ത്. പ്രാ​ദേ​ശി​ക​മാ​യും അ​ന്താ​രാ​ഷ്ട്ര ത​ല​ത്തി​ലും മൂ​ല​ധ​നം ആ​ക​ർ​ഷി​ക്കാ​ൻ ഫ്രീ​സോ​ണു​ക​ൾ സ​ഹാ​യി​ക്കു​ന്നു​ണ്ട്. കൂ​ടു​ത​ൽ തൊ​ഴി​ല​വ​സ​ര​ങ്ങ​ളും നി​ക്ഷേ​പ​ങ്ങ​ളും സൃ​ഷ്ടി​ച്ചു​കൊ​ണ്ട്​ സാ​മ്പ​ത്തി​ക​മാ​യ വൈ​വി​ധ്യ​വ​ത്​​ക​ര​ണ​ത്തെ ഫ്രീ​സോ​ണു​ക​ൾ പി​ന്തു​ണ​ക്കു​ന്ന​താ​യും അ​ദ്ദേ​ഹം കൂ​ട്ടി​ച്ചേ​ർ​ത്തു.