വനിത സംരംഭകരെ അഭിനന്ദിക്കാൻ ശൈഖ ജവാഹീർ എത്തിയപ്പോൾ
ഷാർജ: സംരംഭക ലോകത്ത് വെല്ലുവിളികളെ അതിജീവിച്ച ധീര വനിതകളെ ഷാർജ ഭരണാധികാരിയുടെ ഭാര്യയും വുമൺ അഡ്വാൻസ്മെൻറ് എസ്റ്റാബ്ലിഷ്മെൻറ് (നാമ) ചെയർപേഴ്സനുമായ ശൈഖ ജവാഹീർ ബിൻത് മുഹമ്മദ് അൽ ഖാസിമി പ്രശംസിച്ചു.
എമിറേറ്റിെൻറ സാമ്പത്തിക പുരോഗതിയുടെ സാരഥികളാണ് അവരെന്ന് ശൈഖ ജവാഹീർ പറഞ്ഞു.
വനിതാ ബിസിനസ് ഉടമകളുടെയും സംരംഭകരുടെയും പുതിയ ആശയങ്ങൾക്ക് ഷാർജ പ്രോൽസാഹനം നൽകുന്നു.
നിക്ഷേപങ്ങൾ വർധിപ്പിക്കാനും പ്രാദേശിക സമ്പദ്വ്യവസ്ഥയെ ശക്തിപ്പെടുത്താനും വൈവിധ്യവത്കരിക്കാനും ഇത് സഹായിക്കുന്നു. ഷാർജയുടെ സാമൂഹിക-സാമ്പത്തിക മേഖലയിൽ ഇതിെൻറ പ്രതിഫലനമുണ്ടെന്നും ശൈഖ ജവാഹീർ പറഞ്ഞു. നാമാ ഡയറക്ടർ റീം ബിൻകറം, ആക്ടിങ് മാനേജർ മറിയം ബിൻ അൽ ശൈഖ് എന്നിവർ ഒപ്പമുണ്ടായിരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.