റാക് ഗവണ്‍മെന്‍റ് ഇന്‍സ്റ്റിറ്റ്യൂഷന്‍സ് ഫുട്ബാള്‍ ടൂര്‍ണമെന്‍റ് സമ്മാനവിതരണ ചടങ്ങില്‍നിന്ന്
റാസല്‍ഖൈമ: റാക് ഗവണ്‍മെന്‍റ് ഇന്‍സ്റ്റിറ്റ്യൂഷന്‍സ് ഫുട്ബാള്‍ ചാമ്പ്യന്‍ഷിപ്പിന്‍റെ മൂന്നാം പതിപ്പില്‍ ജേതാക്കളായി റാസല്‍ഖൈമ പൊലീസ് ടീം. വിവിധ സര്‍ക്കാര്‍ വകുപ്പുകളിലെ 16 ടീമുകളാണ് ടൂര്‍ണമെന്‍റില്‍ മാറ്റുരച്ചത്. കലാശക്കളിയില്‍ റാക് മുനിസിപ്പാലിറ്റി ടീമുമായുള്ള ആവേശപ്പോരിനൊടുവിലാണ് റാക് പൊലീസ് ടീം കിരീടം ചൂടിയത്.
റാക് യൂനിവേഴ്സിറ്റി ഓഫ് മെഡിക്കല്‍ ആൻഡ് ഹെല്‍ത്ത് സയന്‍സ് ഗ്രൗണ്ടിലായിരുന്നു മത്സരം. സമാപന ചടങ്ങില്‍ റാക് സാമ്പത്തിക വികസന വകുപ്പ് മേധാവി ശൈഖ് മുഹമ്മദ് ബിന്‍ ഖാലിദ് അൽ ഖാസിമി വിജയികള്‍ക്ക് ട്രോഫി സമ്മാനിച്ചു. ടൂര്‍ണമെന്‍റിലെ മികച്ച താരത്തിനുള്ള പുരസ്കാരം റാക് പൊലീസ് ടീമിലെ അല്‍ ഹദീദി നേടി. ഗോള് കീപ്പറായി ഇസ മസാദ് സ്വാലിഹ് തിരഞ്ഞെടുക്കപ്പെട്ടു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.