അൽഐൻ കെ.എം.സി.സി തൃശൂർ ജില്ല കമ്മിറ്റി അഷ്റഫ്
പള്ളിക്കണ്ടത്തിന് യാത്രയയപ്പ് നൽകുന്നു
അൽഐൻ: 45 വർഷം നീണ്ട പ്രവാസജീവിതം അവസാനിപ്പിച്ച് നാട്ടിലേക്ക് പോകുന്ന യു.എ.ഇ കെ.എം.സി.സി നാഷനൽ കമ്മിറ്റി മുൻ വൈസ് പ്രസിഡന്റ് അഷ്റഫ് പള്ളിക്കണ്ടത്തിന് അൽഐൻ കെ.എം.സി.സി തൃശൂർ ജില്ല കമ്മിറ്റി യാത്രയയപ്പ് നൽകി.
ചടങ്ങിൽ അഷ്റഫ് പള്ളിക്കണ്ടത്തിനുള്ള സ്നേഹോപഹാരം ജില്ല ഭാരവാഹികൾ ചേർന്നു സമ്മാനിച്ചു. സ്റ്റേറ്റ് കെ.എം.സി.സി കമ്മിറ്റിയിലേക്ക് സെക്രട്ടറിയായി തിരഞ്ഞെക്കപ്പെട്ട അബ്ദുൽ കലാം പി. ഹമീദിന് ജില്ല കമ്മിറ്റിയുടെ ഉപഹാരം അഷ്റഫ് പള്ളിക്കണ്ടം നൽകി. സംസ്ഥാന വനിത കെ.എം.സി.സി കമ്മിറ്റിയിലേക്ക് തിരഞ്ഞെടുക്കപ്പെട്ട വൈസ് പ്രസിഡന്റ്, സെക്രട്ടറിമാരായ അനൂഷ ഹഫ്സൽ, ഷഹന ഷെല്ലി എന്നിവർക്കുള്ള ഉപഹാരങ്ങൾ വനിത കെ.എം.സി.സി സംസ്ഥാന പ്രസിഡന്റ് മെഹ്റുന്നിസയും സമ്മാനിച്ചു. ഫൈസൽ ഹംസ അധ്യക്ഷത വഹിച്ചു.
അൽഐൻ സംസ്ഥാന കെ.എം.സി.സി പ്രസിഡന്റ് ശിഹാബുദ്ദീൻ തങ്ങൾ ഉദ്ഘാടനം നിർവഹിച്ചു. സംസ്ഥാന ആക്ടിങ് ജന. സെക്രട്ടറി അബ്ദുൽ സലാം മാസ്റ്റർ, ട്രഷറർ തസ്വീർ, വൈസ് പ്രസിഡന്റ് ബീരാൻകുട്ടി കാരക്കാട്, സെക്രട്ടറിമാരായ അലിമോൻ, അയ്യൂബ് പൂമാടം, ഐ.എസ്.എസ്.സി അസിസ്റ്റന്റ് സെക്രട്ടറി ഖാലിദ് പാഷ, സമദ് പൂന്താനം, വിവിധ ജില്ലാ ഭാരവാഹികളായ മജീദ് പറവണ്ണ മലപ്പുറം, അബ്ദുൽ നാസർ കാസർകോട്, അബ്ദു റഹ്മാൻ ഹാജി കോഴിക്കോട്, അബ്ദുൽ ലത്തീഫ് മാസ്റ്റർ കണ്ണൂർ, റജീഫ് വയനാട്, ഷെല്ലി തൃശൂർ തുടങ്ങിയവർ ആശംസകൾ നേർന്നു. ജില്ലാ ജനറൽ സെക്രട്ടറി മുത്തലിബ് ചാവക്കാട് സ്വാഗതവും ട്രഷറർ കെ എ ബദർ നന്ദിയും പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.