സ​ഹാ​യ​വു​മാ​യി പ്ര​വാ​സി ഇ​ന്ത്യ

അ​ബൂ​ദ​ബി: ഭൂ​ക​മ്പ​ത്തി​ന്‍റെ കെ​ടു​തി​ക​ൾ അ​നു​ഭ​വി​ക്കു​ന്ന തു​ർ​ക്കി​യ​ജ​ന​ത​ക്ക്​ പ്ര​വാ​സി ഇ​ന്ത്യ മു​സ​ഫ ഘ​ട​കം സ​ഹാ​യം ന​ൽ​കി. മു​സ​ഫ​യി​ലും പ​രി​സ​ര​പ്ര​ദേ​ശ​ങ്ങ​ളി​ലും നി​ന്ന് ശേ​ഖ​രി​ച്ച സാ​മ​ഗ്രി​ക​ൾ അ​ബൂ​ദ​ബി തു​ർ​ക്കി​യ എം​ബ​സി​യു​ടെ ശേ​ഖ​ര​ത്തി​ലേ​ക്ക് എ​ത്തി​ച്ചു​കൊ​ടു​ക്കു​ക​യാ​യി​രു​ന്നു. ടി​ൻ ഫു​ഡു​ക​ൾ, ബേ​ബി ഫു​ഡു​ക​ൾ, കേ​ടു​വ​രാ​ത്ത ഭ​ക്ഷ​ണ​ങ്ങ​ൾ, സാ​നി​റ്റ​റി പാ​ഡു​ക​ൾ, കു​ട്ടി​ക​ളു​ടെ ഡ​യ​പ്പ​റു​ക​ൾ, ശു​ചീ​ക​ര​ണ​വ​സ്തു​ക്ക​ളാ​യ സോ​പ്പ്, സോ​പ്പു​പൊ​ടി, ബാ​ത്ത് ട​വ്വ​ൽ, ടി​ഷ്യൂ പേ​പ്പ​ർ, മു​തി​ർ​ന്ന​വ​ർ​ക്കും കു​ട്ടി​ക​ൾ​ക്കു​മു​ള്ള ശൈ​ത്യ​കാ​ല വ​സ്ത്ര​ങ്ങ​ൾ, ക​മ്പി​ളി പു​ത​പ്പു​ക​ൾ, ടെ​ന്റു​ക​ൾ തു​ട​ങ്ങി​യ​വ​യാ​ണ് ന​ൽ​കി​യ​ത്.

ചെ​റു​കി​ട ക​ച്ച​വ​ട​സ്ഥാ​പ​ന​ങ്ങ​ളും ഇ​തി​ലേ​ക്കാ​യി ന​ൽ​കി. പ്ര​വാ​സി ഇ​ന്ത്യ മേ​ഖ​ല പ്ര​സി​ഡ​ന്‍റ്​ ഷ​ഫീ​ഖ് വെ​ട്ടം, സെ​ക്ര​ട്ട​റി ജാ​ബി​ർ മു​സ്ത​ഫ, വൈ​സ് പ്ര​സി​ഡ​ന്‍റ്​ ഡോ. ​ബി​ൽ​കി​സ്, ജ​ന​സേ​വ​ന വ​കു​പ്പി​ന്‍റെ ചു​മ​ത​ല​യു​ള്ള ഷ​ബീ​ർ മ​ണ്ണാ​ർ​ക്കാ​ട്, ജ​ഹാ​ദ് ക്ലാ​പ്പ​ന എ​ന്നി​വ​ർ നേ​തൃ​ത്വം ന​ൽ​കി. 

30,000ത്തി​ല​ധി​കം ഭ​ക്ഷ​ണ​പ്പൊ​തി​ക​ൾ ഒരുക്കി റെ​ഡ്​ ക്ര​സ​ന്‍റ്​ ​

ര​ണ്ടാ​യി​ര​ത്തി​ല​ധി​കം വ​ള​ൻ​റി​യ​ർ​മാ​രാ​ണ്​ സ്വ​യം​സ​ന്ന​ദ്ധ​രാ​യി എ​ത്തി​ച്ചേ​ർ​ന്ന​ത്

ദു​ബൈ: തു​ർ​ക്കി​യ​യി​ലെ​യും സി​റി​യ​യി​ലെ​യും ഭൂ​ക​മ്പ ദു​രി​ത ബാ​ധി​ത​ർ​ക്കാ​യി എ​മി​റേ​റ്റ്​​സ്​ റെ​ഡ്​​ക്ര​സ​ന്‍റ്​ വ​ഴി ഒ​രു​ക്കി​യ​ത്​ 30,000ത്തി​ല​ധി​കം ഭ​ക്ഷ​ണ​പ്പൊ​തി​ക​ൾ. ‘ബ്രി​ഡ്ജ​സ്​ ഓ​ഫ്​ ഗു​ഡ്​​ന​സ്​’ എ​ന്ന പേ​രി​ൽ ന​ട​ന്ന കാ​മ്പ​യി​ന്‍റെ ഭാ​ഗ​മാ​യാ​ണ്​ ഇ​ത്ര​യും ഭ​ക്ഷ​ണ​പ്പൊ​തി​ക​ൾ ത​യാ​റാ​ക്കാ​ൻ സാ​ധ​ന​ങ്ങ​ൾ സം​ഭാ​വ​ന​യാ​യി ല​ഭി​ച്ച​ത്. ത​ണു​പ്പു​കാ​ല വ​സ്ത്ര​ങ്ങ​ൾ, പു​ത​പ്പു​ക​ൾ തു​ട​ങ്ങി​യ​വ​യും ല​ഭി​ച്ചി​ട്ടു​ണ്ട്.

സം​ഭാ​വ​ന​യാ​യി ല​ഭി​ച്ച വ​സ്തു​ക്ക​ൾ ശ​നി​യാ​ഴ്ച രാ​ജ്യ​ത്തെ മൂ​ന്ന്​ കേ​ന്ദ്ര​ങ്ങ​ളി​ൽ​വെ​ച്ചാ​ണ്​ പാ​ക്ക്​ ചെ​യ്ത്​ ഒ​രു​ക്കി​യ​ത്. ഇ​തി​നാ​യി ര​ണ്ടാ​യി​ര​ത്തി​ല​ധി​കം വ​ള​ൻ​റി​യ​ർ​മാ​രാ​ണ്​ സ്വ​യം​സ​ന്ന​ദ്ധ​രാ​യി എ​ത്തി​ച്ചേ​ർ​ന്ന​ത്.

യു.​എ.​ഇ സാ​മൂ​ഹി​ക വി​ക​സ​ന മ​ന്ത്രാ​ല​യ​വും ദു​ബൈ കെ​യേ​ഴ്‌​സ്, ഷാ​ർ​ജ ഇ​ന്‍റ​ർ​നാ​ഷ​ന​ൽ ചാ​രി​റ്റി തു​ട​ങ്ങി​യ ജീ​വ​കാ​രു​ണ്യ കൂ​ട്ടാ​യ്മ​ക​ളും യോ​ജി​ച്ചാ​ണ്​ ദു​രി​ത​മേ​ഖ​ല​യി​ലേ​ക്ക്​ അ​വ​ശ്യ​സാ​ധ​ന​ങ്ങ​ൾ ശേ​ഖ​രി​ക്കു​ന്ന​ത്.

യു.​എ.​ഇ​യു​ടെ ഓ​പ​റേ​ഷ​ൻ ഗാ​ല​ന്‍റ്​ നൈ​റ്റ്-2 പ​ദ്ധ​തി​യി​ലാ​ണ്​ വ​സ്തു​ക്ക​ൾ ദു​രി​ത​ബാ​ധി​ത മേ​ഖ​ല​ക​ളി​ൽ എ​ത്തി​ക്കു​ക. അ​ബൂ​ദ​ബി​യി​ലെ അ​ഡ്​​നെ​ക്, ദു​ബൈ എ​ക്സ്​​പോ സി​റ്റി​യി​ലെ എ​ക്സി​ബി​ഷ​ൻ സെ​ന്‍റ​ർ, ഷാ​ർ​ജ​യി​ലെ ഖാ​ലി​ദ്​ ലേ​കി​നു​സ​മീ​പം എ​ന്നി​വി​ട​ങ്ങ​ളി​ലാ​ണ്​ വ​ള​ന്‍റി​യ​ർ​മാ​ർ ഒ​ത്തു​ചേ​ർ​ന്ന്​ ദു​രി​താ​ശ്വാ​സ സാ​മ​ഗ്രി​ക​ൾ പാ​ക്ക്​ ചെ​യ്ത​ത്.

ദു​രി​ത​ബാ​ധി​ത പ്ര​ദേ​ശ​ങ്ങ​ളി​ലേ​ക്ക് ഫീ​ൽ​ഡ് ഹോ​സ്പി​റ്റ​ലു​ക​ൾ, ദു​രി​താ​ശ്വാ​സ സ​ഹാ​യം, റെ​സ്ക്യൂ ടീ​മു​ക​ൾ എ​ന്നി​വ അ​യ​ക്കു​ന്ന​ത്​ അ​ടു​ത്ത ര​ണ്ടാ​ഴ്ച​ത്തേ​ക്ക് തു​ട​രു​മെ​ന്ന്​ ക​ഴി​ഞ്ഞ ദി​വ​സം എ​മി​റേ​റ്റ്​​സ്​ റെ​ഡ്​​ക്ര​സ​ന്‍റ്​ സെ​ക്ര​ട്ട​റി ജ​ന​റ​ൽ ഹ​മൂ​ദ്​ അ​ൽ ജു​നൈ​ബി വ്യ​ക്​​ത​മാ​ക്കി​യി​ട്ടു​ണ്ട്.