ദുബൈ: അന്താരാഷ്ട്ര ക്രിക്കറ്റിൽ അരങ്ങേറിയ ആദ്യ പരമ്പരയിൽതന്നെ സെഞ്ച്വറി നേടി ഇമാറാത്തി ക്രിക്കറ്റർ മുഹമ്മദ് വസീം. അയർലൻഡിനെതിരായ ട്വൻറി20 മത്സരത്തിലാണ് 60 ബാളിൽ വസീം സെഞ്ച്വറി തികച്ചത്. യു.എ.ഇ ടീമിനുവേണ്ടി ട്വൻറി20യിൽ സെഞ്ച്വറി നേടുന്ന രണ്ടാമത്തെ താരമെന്ന നേട്ടം കൈവരിച്ച വസീമിെൻറ മികവിൽ യു.എ.ഇ ഏഴു വിക്കറ്റിെൻറ ഉജ്ജ്വല വിജയം നേടി. ഇതോടെ മൂന്നു മത്സരങ്ങൾ അടങ്ങിയ പരമ്പര യു.എ.ഇ 2-1ന് സ്വന്തമാക്കി.
ദുബൈ ഐ.സി.സി അക്കാദമി ഗ്രൗണ്ടിൽ നടന്ന മത്സരത്തിൽ ആദ്യം ബാറ്റ് ചെയ്ത അയർലൻഡിന് 134 റൺസെടുക്കാനേ കഴിഞ്ഞുള്ളൂ. മറ്റ് ബാറ്റ്സ്മാന്മാരെ കാഴ്ചക്കാരാക്കി വസീം (62 പന്തിൽ 107 നോട്ടൗട്ട്) അഴിഞ്ഞാടിയപ്പോൾ 16 ഓവറിൽ യു.എ.ഇ ലക്ഷ്യംകണ്ടു. രണ്ടാം മത്സരത്തിൽ ബാസിലിെൻറയും (20 പന്തിൽ 39) ചിരാഗ് സുരിയുടെയും (55 പന്തിൽ 51) മികവിലാണ് യു.എ.ഇ വിജയിച്ചത്. ആദ്യം ബാറ്റ് ചെയ്ത യു.എ.ഇ നാലു വിക്കറ്റ് നഷ്ടത്തിൽ 163 റൺസെടുത്തു. മറുപടി ബാറ്റിങ്ങിനിറങ്ങിയ അയർലൻഡിന് 109 റൺസെടുക്കാനേ കഴിഞ്ഞുള്ളൂ.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.