നാട്ടിലേക്ക് മടങ്ങുന്ന അക്കാഫ് സ്ഥാപക നേതാക്കളിലൊരാളായ ഡേവിഡ് തോമസിന് അക്കാഫ് വളൻറിയർ ഗ്രൂപ് നൽകിയ യാത്രയയപ്പ്
ദുബൈ: 45 വർഷം നീണ്ട പ്രവാസത്തിനുശേഷം നാട്ടിലേക്ക് മടങ്ങുന്ന അക്കാഫ് മുൻ സെക്രട്ടറിയും കാത്തലിക് കോളജ് അലുമ്നിയുടെ മുൻ പ്രസിഡൻറുമായ ഡേവിഡ് തോമസിന് അക്കാഫ് വളൻറിയർ ഗ്രൂപ് യാത്രയയപ്പ് നൽകി. ചടങ്ങിൽ അക്കാഫ് വളൻറിയർ ഗ്രൂപ് നേതാക്കളും മറ്റു പൂർവ വിദ്യാർഥി സംഘടനകളിലെ സുഹൃത്തുക്കളും മെമേൻറാ നൽകി ആദരിച്ചു.
അക്കാഫ് വളൻറിയർ ഗ്രൂപ് സീനിയർ ലീഡർ പോൾ ടി. ജോസഫ് അധ്യക്ഷത വഹിച്ചു. അക്കാഫ് സീനിയർ നേതാക്കളായ ശശികുമാർ നായർ, റാഫി പട്ടേൽ, മച്ചിങ്ങൽ രാധാകൃഷ്ണൻ, സാനു മാത്യു, വെങ്കിട് മോഹൻ, ജനറൽ കൺവീനർ കാസർകോട് ഗവ. കോളജിലെ സുമേഷ് സുന്ദർ, മുൻ ഭാരവാഹികളായ ജെ.ജെ. ജലാൽ, ബുഹാരി ബിൻ അബ്ദുൽ ഖാദർ, ജൂബി കുരുവിള, ഷൈൻ ചന്ദ്രസേനൻ, പ്രവീൺ കുമാർ, ക്രിസ്റ്റഫർ വർഗീസ്, എ.എസ്. ദീപു, അനിൽ കുമാർ തുടങ്ങിയവർ സംസാരിച്ചു. നെഹ്റു ആർട്സ് ആൻഡ് സയൻസ് കോളജിലെ എ.വി. ചന്ദ്രൻ സ്വാഗതവും ശ്രീകൃഷ്ണ കോളജിലെ ഷക്കീർ ഹുസൈൻ നന്ദിയും പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.