ടൂർ കമ്പനി ഡ്രൈവർമാർക്ക് ബോധവത്കരണം നടത്തുന്ന ദുബൈ പൊലീസ്
ദുബൈ: സുരക്ഷിത ഡ്രൈവിങ് പ്രോത്സാഹിപ്പിക്കുന്നതിന് ദുബൈ പൊലീസ് ടൂർ കമ്പനികളിലെ ഡ്രൈവർമാർക്ക് ബോധവത്കരണം ആരംഭിച്ചു. ട്രാഫിക് നിയമങ്ങൾ സംബന്ധിച്ചും പൊതുസുരക്ഷയെ കുറിച്ചുമാണ് ഡ്രൈവർമാർക്ക് ബോധവത്കരണം നടത്തുന്നത്. അൽ അവീർ, ലഹ്ബാബ്, മർഗാം പ്രദേശങ്ങൾ കേന്ദ്രീകരിച്ച് നടത്തുന്ന ബോധവത്കരണത്തിന് ലഹ്ബാബിലെയും അൽ ഫഖാഇയിലെയും പൊലീസ് സ്റ്റേഷനുകളാണ് നേതൃത്വം വഹിക്കുന്നത്.
ദുബൈ പൊലീസ് മേധാവി ലഫ്. ജനറൽ അബ്ദുല്ല ഖലീഫ അൽ മർരിലുടെ നിർദേശം അനുസരിച്ച് നടപ്പിലാക്കുന്ന വിവിധ ബോധവത്കരണ പരിപാടികളുടെ ഭാഗമായാണ് വിനോദസഞ്ചാരികളുമായി പോകുന്ന വാഹനങ്ങളുടെ ഡ്രൈവർമാർക്ക് ബോധവത്കരണം ഒരുക്കിയതെന്ന് ടൂറിസ്റ്റ് പൊലീസ് വിഭാഗം ഡയറക്ടർ ബ്രിഗേഡിയർ ഖൽഫാൻ അൽ ജല്ലാഫ് പറഞ്ഞു. പരിപാടിയുടെ ഭാഗമായി 3000 ബ്രോഷറുകൾ വിതരണം ചെയ്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.