പേര് മാറ്റിയ മറീന മെട്രോ സ്റ്റേഷൻ
ദുബൈ: മറീന മെട്രോ സ്റ്റേഷൻ ഇനി ശോഭ റിയാൽറ്റി മെട്രോ സ്റ്റേഷൻ എന്നറിയപ്പെടുമെന്ന് റോഡ് ഗതാഗത അതോറിറ്റി (ആർ.ടി.എ) അറിയിച്ചു.
കഴിഞ്ഞ ആഴ്ച റാശിദിയ്യ, ജാഫിലിയ്യ സ്റ്റേഷനുകൾക്ക് യഥാക്രമം സെൻറർ പോയൻറ്, മാക്സ് ഫാഷൻ എന്നിങ്ങനെ പുതിയ പേരുകൾ നൽകിയിരുന്നു. ആർ.ടി.എയും സ്വകാര്യ ഡെവലപർ കമ്പനിയായ ശോഭ റിയാൽറ്റി തമ്മിലുണ്ടാക്കിയ കരാറിെൻറ അടിസ്ഥാനത്തിലാണ് മെട്രോ സ്റ്റേഷെൻറ പേര് മാറ്റുന്നത്.
സർക്കാർ-സ്വകാര്യ പങ്കാളിത്തത്തിെൻറ മികച്ച മാതൃകയാണ് പേരുമാറ്റുന്ന കരാറെന്ന് ആർ.ടി.എ വാണിജ്യ-നിക്ഷേപ വിഭാഗം ഡയറക്ടർ ഇബ്രാഹീം അൽ ഹദ്ദാദ് പറഞ്ഞു. സ്വകാര്യസ്ഥാപന ബ്രാൻഡുകൾ കൂടുതൽ ജനങ്ങളിലെത്തിക്കാൻ മെട്രോ സ്റ്റേഷൻ പേരുമാറ്റത്തിലൂടെ അവസരം ലഭിക്കും.
സ്റ്റേഷെൻറ പേര് ഔട്ട്ഡോർ ചിഹ്നങ്ങളിലും പൊതുഗതാഗത ശൃംഖലയുടെ സ്മാർട്ട്, ഇലക്ട്രോണിക് സംവിധാനങ്ങളിലും മെട്രോയിലെ ഓഡിയോയിൽ ഉൾപ്പെടെ മാറും. ഈ കാലയളവിൽ യാത്രക്കാർക്ക് എന്തെങ്കിലും സംശയങ്ങളോ മറ്റോ ഉണ്ടെങ്കിൽ ആർ.ടി.എയുമായി ബന്ധപ്പെടാമെന്ന് അധികൃതർ അറിയിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.