ദുബൈ: കഴിഞ്ഞ 24 മണിക്കൂറിനുള്ളില് യു.എ.ഇയില് കോവിഡ് -19 ബാധിച്ച് ഒരാള് പോലും മരിച്ചില്ല. അബൂദബി കിരീടാവകാശിയും യു.എ.ഇ സായുധ സേന ഉപ സർവസൈന്യാധിപനുമായ ശൈഖ് മുഹമ്മദ് ബിൻ സായിദ് ആൽ നഹ്യാൻ ആണ് ഇക്കാര്യം വെളിപ്പെടുത്തിയത്. പിഴവറ്റ മുൻകരുതൽ നടപടികൾ പാലിച്ചതു വഴിയാണ് യു.എ.ഇക്ക് കോവിഡിനെതിരെ പൊരുതാൻ സാധിച്ചതെന്നും ഇതിനായി കൂടെനിന്ന മുൻനിര നായകന്മാരോടും സമൂഹത്തോടും നന്ദി രേഖപ്പെടുത്തുന്നുവെന്നും അദ്ദേഹം ട്വിറ്ററിലൂടെ പറഞ്ഞു. ഈ വെല്ലുവിളി നേരിടാൻ കൂട്ടായ ശ്രമങ്ങൾ തുടരുമെന്നും അദ്ദേഹം കൂട്ടിച്ചേര്ത്തു. സർക്കാർ പ്രതിരോധ നടപടികൾ തുടരും. ജൂലൈ 13വരെ ആരോഗ്യ അതോറിറ്റി നാല് ദശലക്ഷം കൊറോണ വൈറസ് പരിശോധനകൾ നടത്തി. സ്ക്രീനിങ്ങുകളിൽ ആഗോള ശരാശരിയിൽ ഒന്നാം സ്ഥാനത്താണ് യു.എ.ഇ.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.