ഇന്ത്യൻ ഓവർസീസ് കോൺഗ്രസ് ദുബൈ കമ്മിറ്റി സംഘടിപ്പിച്ച ഇന്ദിര ഗാന്ധി രക്തസാക്ഷിത്വ ദിനാചരണം
ദുബൈ: ഇന്ദിര ഗാന്ധിയുടെ 39ാമത് രക്തസാക്ഷിത്വദിനം ഇന്ത്യൻ ഓവർസീസ് കോൺഗ്രസ് ദുബൈ കമ്മിറ്റി ആചരിച്ചു. പ്രസിഡന്‍റ് ബാബുരാജ് കാളിയേത്തലിന്റെ അധ്യക്ഷതയിൽ ചേർന്ന അനുസ്മരണ പരിപാടി ദർശന യു.എ.ഇ കമ്മിറ്റി സെക്രട്ടറി ജെന്നി പോൾ ഉദ്ഘാടനംചെയ്തു.
രാജ്യത്തിന്റെ ഐക്യത്തിനും അഖണ്ഡതക്കും വേണ്ടി ജീവൻ ബലിയർപ്പിച്ച ഇന്ദിരാജിയുടെ പാത പിന്തുടർന്ന് ജനാധിപത്യ മതേതര വിശ്വാസികൾ ഒറ്റക്കെട്ടായി വരാൻ പോകുന്ന പാർലമെന്റ് തെരഞ്ഞെടുപ്പിൽ രാജ്യത്ത് കോൺഗ്രസിനെ വീണ്ടും അധികാരത്തിലെത്തിക്കാൻ രംഗത്തിറങ്ങണമെന്ന് ജെന്നി പോൾ ഉദ്ഘാടന പ്രസംഗത്തിൽ ആവശ്യപ്പെട്ടു.
ഐ.ഒ.സി യുഎ.ഇ കമ്മിറ്റി ജനറൽ സെക്രട്ടറി പുന്നക്കൻ മുഹമ്മദലി അനുസ്മരണ പ്രഭാഷണം നടത്തി. സി.പി. ജലീൽ, ഫസിലുദ്ദീൻ ശൂരനാട്, കെ.വി. ഫൈസൽ, സി.പി. മുസ്തഫ തുടങ്ങിയവർ സംസാരിച്ചു. ഷംസീർ നാദാപുരം സ്വാഗതവും സിറാസ് മലപ്പുറം നന്ദിയും പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.