ചാക്കീരി അഹമ്മദ് കുട്ടി മെമ്മോറിയൽ ഫുട്ബാൾ ടൂർണമെന്റിലെ വിജയികൾ
ദുബൈ: യു.എ.ഇയിലെ പ്രമുഖ ടീമുകളെ പങ്കെടുപ്പിച്ച് മുൻ വിദ്യാഭ്യാസ മന്ത്രി ചാക്കീരി അഹമ്മദ് കുട്ടിയുടെ സ്മരണക്കായി ദുബൈ കെ.എം.സി.സി വേങ്ങര മണ്ഡലം കമ്മിറ്റി ഒന്നാമത് സെവൻസ് ഫുട്ബാൾ ടൂർണമെന്റ് സംഘടിപ്പിച്ചു.
അൽ ഖിസൈസ് അൽസാദിഖ് സ്കൂൾ മൈതാനത്ത് നടത്തിയ ടൂർണമെന്റിന്റെ ആവേശകരമായ ഫൈനൽ മത്സരത്തിൽ ടൗൺ ടീം പഴയങ്ങാടി രണ്ടിനെതിരെ നാലു ഗോളുകൾക്ക് ടുഡോ മാർട്ട് എഫ്.സിയെ പരാജയപ്പെടുത്തി ജേതാക്കളായി. വിന്നേഴ്‌സിന് പി.ടി.എ മുനീറും, അബ്‌നാസ് ചാക്കീരി രണ്ടാം സ്ഥാനക്കാർക്കും, മൂന്നാം സ്ഥാനക്കാരായ മാജിക്സ് ദുബൈ ടീമിന് ഡോ. യാസിറും ട്രോഫികൾ സമ്മാനിച്ചു.
ദുബൈ കെ.എം.സി.സി ആക്ടിങ് ജനറൽ സെക്രട്ടറി കെ.പി.എ സലാം, വൈസ് പ്രസിഡന്റുമാരായ ആർ. ഷുക്കൂർ, മുസ്തഫ വേങ്ങര, മലപ്പുറം ജില്ല പ്രസിഡന്‍റ് സിദ്ധീഖ് കാലൊടി, ജനറൽ സെക്രട്ടറി എ.പി നൗഫൽ, വൈസ് പ്രസിഡന്റുമാരായ കരീം കാലടി, മുസ്തഫ ആട്ടീരി, മുൻ ജില്ല ജനറൽ സെക്രട്ടറി പി.വി നാസർ, മണ്ഡലം പ്രസിഡന്‍റ് അവയിൽ അസീസ് ഹാജി, ജനറൽ സെക്രട്ടറി അബ്ബാസ് വാഫി, അമീർ മുക്കൻ, ഉനൈസ് തൊട്ടിയിൽ, ശിഹാബ് കെ. പറപ്പൂർ, ഫൈസൽ പുല്ലമ്പലവൻ, എൻ. മൂസക്കുട്ടി, നിസാർ ചേങ്ങപ്ര, സി. അനീസ്, ഷാഫി കറുമണ്ണിൽ, മുജീബ് തറി, ജാഫർ പാങ്ങാട്ട്, ഷാഫി കാവുങ്ങൽ, സി.കെ. മൻസൂർ അലി തുടങ്ങിയവർ സമാപന ചടങ്ങിൽ പങ്കെടുത്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.