ദുബൈ: പാന്കാര്ഡുള്ള പ്രവാസികള് അവ ആധാറുമായി ലിങ്ക് ചെയ്യാനുള്ള സമയം ഈമാസം 31ന് അവസാനിക്കും. കഴിഞ്ഞയാഴ്ച ഇതുസംബന്ധിച്ച് കേന്ദ്ര സര്ക്കാര് പുറത്തിറക്കിയ നോട്ടീസ് പ്രവാസികളെ ആശങ്കയിലാക്കുകയാണ്.
പ്രവാസികള്ക്ക് ആധാറും പാന്കാര്ഡും നിര്ബന്ധമല്ലെന്നാണ് ഇപ്പോഴും സര്ക്കാർ വിശദീകരണം. എന്നാല്, പാന്കാര്ഡ് സ്വന്തമായുള്ള പ്രവാസികള് 31നു മുമ്പ് അവ ആധാറുമായി ലിങ്ക് ചെയ്യണം. അല്ലാത്തപക്ഷം പെര്മനൻറ് അക്കൗണ്ട് നമ്പര് അഥവാ പാന് പ്രവര്ത്തനയോഗ്യമല്ലാതാവുമെന്നാണ് നോട്ടീസില് പറയുന്നത്.
നാട്ടിലെ പണമിടപാടുകളെ ഇത് ബാധിച്ചേക്കുമെന്നും മുന്നറിയിപ്പുണ്ട്. എന്നാല്, പാന്കാര്ഡുള്ള പല പ്രവാസികള്ക്കും ആധാര്കാര്ഡില്ല എന്നതാണ് അവര് നേരിടുന്ന പ്രശ്നം. നേരത്തേ പ്രവാസികള്ക്ക് ആധാര് വേണ്ട എന്നതായിരുന്നു സര്ക്കാര് നയം. കഴിഞ്ഞ കേന്ദ്രബജറ്റിലാണ് പ്രവാസികള്ക്ക് ആധാര് നല്കാമെന്ന തീരുമാനമായത്. പ്രവാസികളുടെ നാട്ടിലെ പല ധനവിനിമയത്തിനും പാന് കാര്ഡ് ആവശ്യമാണ്. ആധാര് സ്വന്തമായില്ലാത്തവര് ലിങ്ക് ചെയ്യാത്തതിെൻറ പേരില് പാന്കാര്ഡുകള് പ്രവര്ത്തന ക്ഷമമല്ലാതാവുമോ എന്നതാണ് പ്രവാസികളുടെ ആശങ്ക. പാന്കാര്ഡിന് ഗള്ഫില്നിന്ന് അപേക്ഷിക്കാമെങ്കിലും ആധാറിന് അപേക്ഷിക്കാന് വിദേശത്ത് സംവിധാനമില്ല.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.