ദുബൈ: യു.എ.ഇയിൽ പുതുതായി 300 പേർക്ക് കൂടി കോവിഡ് സ്ഥിരീകരിച്ചു. ഇതോടെ യു.എ.ഇയിലെ കോവിഡ് ബാധിതരുടെ എണ്ണം 2659 ആ യി. ആദ്യമായാണ് യു.എ.ഇയിൽ ഒരു ദിവസം 300 പേർക്ക് രോഗം സ്ഥിരീകരിക്കുന്നത്. അതേസമയം, 53 പേർ കൂടി രോഗമുക്തരായത് ആശ്വാസം പകരുന്നു. 239 പേരാണ് യു.എ.ഇയിൽ ആകെ രോഗമുക്തരായത്. ഇതുവരെ 12 മരണമാണ് യു.എ.ഇയിൽ റിപ്പോർട്ട് ചെയ്തിരിക്കുന്നത്. 5.93 ലക്ഷം പേരെയാണ് ഇതുവരെ പരിശോധനക്ക് വിധേയരാക്കിയത്.
സാധാരണ കോവിഡ് കേസുകളിൽ ഒരുമാസത്തിനുള്ളിൽ രോഗം ഭേദമാകുന്നുണ്ട്. എന്നാൽ ചില കേസുകളിൽ കൂടുതൽ സമയമെടുക്കുന്നുണ്ട്. രാജ്യത്ത് രോഗം സ്ഥിരീകരിക്കുന്നവരുടെയും രോഗം ഭേദമാകുന്നവരുടെയും എണ്ണത്തിൽ വലിയ അന്തരം നിലനിൽക്കുകയാണ്. അതുകൊണ്ടുതന്നെ ശക്തമായ മുൻകരുതലുകൾ രോഗപ്രതിരോധത്തിന് വേണ്ടി വരുമെന്നും ആരോഗ്യമന്ത്രാലയം വാക്താവ് ഡോ. ഫരീദ അൽ ഹുസ്നി പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.