ദുബൈ: എമിറേറ്റ്സ് റോഡിൽ രണ്ടാഴ്ച മുമ്പുണ്ടായ വാഹനാപകടത്തിൽ പരിക്കേറ്റ് ചികിൽസയിൽ കഴിഞ്ഞിരുന്ന ബാംഗ്ലൂർ സ്വദേശിനി മരിച്ചു. നീതു ജയിൻ കവാഡ് (38) ആണ് മരിച്ചത്. കഴിഞ്ഞ മാസം 22 ന് നടന്ന അപകടത്തിൽ നീതുവിെൻറ ഭർത്താവ് ദിനേശ് കവാഡ് അടക്കം മൂന്ന് പേർ മരിച്ചിരുന്നു. തുടർന്ന് റാശിദ് ആശുപത്രിയിൽ ചികിൽസയിൽ കഴിഞ്ഞിരുന്ന നീതുവിനെ തുടർ ചികിൽസക്ക് ഇന്ത്യയിലേക്ക് കൊണ്ടുപോകാനുള്ള ശ്രമത്തിനിടെയാണ് മരണം സംഭവിച്ചത്. ബെല്ലാരിയിൽ വസ്ത്രവ്യാപാരം നടത്തിയിരുന്ന ദമ്പതികൾ വിനോദസഞ്ചാരികളായാണ് ദുബൈയിൽ എത്തിയത്. ഇവർ അടങ്ങുന്ന സംഘം സഞ്ചരിച്ചിരുന്ന മിനിബസ് ട്രക്കുമായി കൂട്ടിയിടിക്കുകയായിരുന്നു. ഡസേർട്ട് സഫാരിയിൽ പെങ്കടുക്കാൻ പോകവെ അൽ അവീറിലാണ് അപകടം സംഭവിച്ചത്. 23 വയസുള്ള പാകിസ്ഥാനി ഡ്രൈവർ സംഭവസ്ഥലത്തും ഗുരുതരമായി പരിക്കേറ്റ ഇറ്റാലിയൻ സ്ത്രീ ചികിൽസയിലിരിക്കവെയും മരണത്തിന് കീഴടങ്ങി. ഗോവയിൽ പതിനഞ്ചാം വിവാഹവാർഷികം ആഘോഷിച്ച ശേഷമാണ് ഇവർ ദുബൈ സന്ദർശനത്തിന് പുറപ്പെട്ടത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.