അബൂദബി: ആരോഗ്യ-സുരക്ഷാ മാനദണ്ഡങ്ങള് പാലിക്കാത്തതിനാല് അബൂദബി ഭക്ഷ്യനിയന്ത്രണ അതോറിറ്റി (എ.ഡി.എഫ്.സി.എ) രണ്ട് ഹോട്ടലുകള് അടച്ചുപൂട്ടി.
മുസഫ ഇന്ഡസ്ട്രിയല് ഏരിയയിലെ മെഗ റെസ്റ്റോറന്റ്, ഹംദാന് സ്ട്രീറ്റിലെ ഡ്രീം സ്റ്റാര് റെസ്റ്റോറന്റ് എന്നിവയാണ് അടച്ചുപൂട്ടിയത്. ആരോഗ്യ-സുരക്ഷാ മാനദണ്ഡങ്ങള് പാലിക്കണമെന്ന് പരിശോധകര് ആവശ്യപ്പെട്ടിട്ടും നടിപടിയെടുക്കാത്തതിനെ തുടര്ന്നാണ് ഹോട്ടലുകള് അടച്ചുപൂട്ടിയതെന്ന് എ.ഡി.എഫ്.സി.എ അധികൃതര് അറിയിച്ചു.
ശുചിത്വമില്ലായ്മ, പ്രാണികളുടെ സാന്നിധ്യം, വായുസഞ്ചാര മാര്ഗങ്ങളുടെ കുറവ്, സാധാരണ താപനിലയില് ഭക്ഷണം സൂക്ഷിക്കല് തുടങ്ങിയ കാരണങ്ങളാലാണ് ഹോട്ടലുകള് അടച്ചുപൂട്ടിച്ചത്. പ്രശ്നങ്ങളെല്ലാം പരിഹരിച്ചാല് ഹോട്ടല് വീണ്ടും തുറക്കാന് സാധിക്കുമെന്നും എ.ഡി.എഫ്.സി.എ അറിയിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.