ശൈഖ് മുഹമ്മദ് ബിൻ സായിദ് ആൽ നഹ്യാൻ
ദുബൈ: ഗസ്സയിലെ 1000 കാൻസർ രോഗികളെ യു.എ.ഇയിൽ എത്തിച്ച് ചികിത്സിക്കുമെന്ന് പ്രസിഡൻറ് ശൈഖ് മുഹമ്മദ് ബിൻ സായിദ് ആൽ നഹ്യാൻ. ഗസ്സയിൽനിന്ന് പരിക്കേറ്റ കുട്ടികളുടെ ആദ്യ സംഘം ചികിത്സക്കായി അബൂദബിയിൽ എത്തിച്ചതിന് പിന്നാലെയാണ് ഇക്കാര്യം പ്രഖ്യാപിച്ചത്. എല്ലാ പ്രായക്കാരുമായ കാൻസർ രോഗികളെ ഈ പദ്ധതിയുടെ ഭാഗമായി ചികിത്സിക്കും. രോഗികളോടൊപ്പം കുടുംബാംഗങ്ങളെയും യു.എ.ഇയിലെത്തിക്കും.
ഗസ്സയിൽ ചികിത്സ ലഭിക്കുന്നത് പ്രയാസമായ സാഹചര്യത്തിലാണ് യു.എ.ഇ സഹായ വാഗ്ദാനവുമായി രംഗത്തെത്തിയിരിക്കുന്നത്. യുദ്ധാന്തരീക്ഷത്തിൽ വിവിധ ആശുപത്രികളിൽ അടിസ്ഥാന സൗകര്യമില്ലാത്ത സാഹചര്യമാണ് ഗസ്സയിലുള്ളത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.