ദു​ബൈ പൊ​ലീ​സി​ന്​ 100 ‘ഔ​ഡി’ കാ​റു​ക​ൾ

ദു​ബൈ: എ​മി​റേ​റ്റി​ലെ പൊ​ലീ​സ്​ സേ​ന​ക്ക്​ കൂ​ടു​ത​ൽ മി​ക​വു​റ്റ വാ​ഹ​ന ശേ​ഖ​രം. 100 ഔ​ഡി കാ​റു​ക​ൾ​കൂ​ടി ദു​ബൈ പൊ​ലീ​സി​ന് ക​രു​ത്തു​പ​ക​രാ​ൻ ല​ഭ്യ​മാ​ക്കി​യ​താ​യി പ​ത്ര​ക്കു​റി​പ്പി​ൽ അ​റി​യി​ച്ചു.

പ്ര​മു​ഖ ഇ​മാ​റാ​ത്തി സ്വ​കാ​ര്യ ക​മ്പ​നി​യാ​യ അ​ൽ ന​ബൂ​ല ഓ​ട്ടോ​മൊ​ബൈ​ൽ​സു​മാ​യു​ള്ള സ​ഹ​ക​ര​ണ ക​രാ​റി​ന്‍റെ അ​ടി​സ്ഥാ​ന​ത്തി​ലാ​ണ്​ കാ​റു​ക​ൾ വാ​ങ്ങി​യ​ത്. ഇ​ല​ക്​​ട്രി​ക്​ വാ​ഹ​ന​ങ്ങ​ളും ഏ​റ്റ​വും പു​തി​യ മോ​ഡ​ൽ ഔ​ഡി വാ​ഹ​ന​ങ്ങ​ളും ഏ​റ്റ​വും പു​തി​യ സാ​​ങ്കേ​തി​ക​വി​ദ്യ​ക​ൾ സ​യ​ന്വ​യി​പ്പി​ച്ച മോ​ഡ​ലു​ക​ളും കൂ​ട്ട​ത്തി​ലു​ണ്ട്.

ദു​ബൈ പൊ​ലീ​സ്​ ക്ല​ബി​ൽ ന​ട​ന്ന ച​ട​ങ്ങി​ൽ അ​ൽ ന​ബൂ​ല ഓ​ട്ടോ​മൊ​ബൈ​ൽ​സ്​ ക​മ്പ​നി​യും ദു​ബൈ പൊ​ലീ​സ്​ അ​ധി​കൃ​ത​രും ത​മ്മി​ൽ ധാ​ര​ണ​പ​ത്ര​ത്തി​ൽ ഒ​പ്പു​വെ​ച്ചു.

സ​ർ​ക്കാ​ർ സം​വി​ധാ​ന​ങ്ങ​ളും സ്വ​കാ​ര്യ മേ​ഖ​ല​യും വി​വി​ധ മേ​ഖ​ല​ക​ളി​ൽ സ​ഹ​ക​രി​ക്കു​ന്ന​തി​ന്‍റെ ഭാ​ഗ​മാ​യാ​ണ്​ വാ​ഹ​ന​ങ്ങ​ൾ ല​ഭ്യ​മാ​ക്കു​ന്ന​തി​ന്​ അ​ൽ ന​ബൂ​ല​യു​മാ​യി ദു​ബൈ പൊ​ലീ​സ്​ സ​ഹ​ക​രി​ക്കു​ന്ന​തെ​ന്ന്​ അ​സി.

ക​മാ​ൻ​ഡ​ർ ഇ​ൻ ചീ​ഫ്​ മേ​ജ​ർ ജ​ന​റ​ൽ അ​ബ്​​ദു​ല്ല അ​ലി അ​ൽ ഗൈ​ഥി പ​റ​ഞ്ഞു. ട്രാ​ഫി​ക്​ പ​ട്രോ​ൾ സം​വി​ധാ​ന​ത്തി​ലേ​ക്കാ​ണ്​ പു​തി​യ വാ​ഹ​ന​ങ്ങ​ൾ ഉ​ൾ​​പ്പെ​ടു​ത്തു​ന്ന​ത്. ന​ഗ​ര​ത്തി​ലെ ഗ​താ​ഗ​ത മേ​ഖ​ല​യി​ലെ സു​ര​ക്ഷ ഉ​റ​പ്പു​വ​രു​ത്തു​ന്ന​തി​ന്​ പു​തി​യ വാ​ഹ​ന​ങ്ങ​ൾ വ​ലി​യ സം​ഭാ​വ​ന ചെ​യ്യും.

പ്ര​വ​ർ​ത്ത​ന മി​ക​വും മി​ക​ച്ച ടെ​ക്​​നോ​ള​ജി​യു​മു​ള്ള ഔ​ഡി വാ​ഹ​ന​ങ്ങ​ളാ​ണ്​ തെ​ര​ഞ്ഞെ​ടു​ത്തി​ട്ടു​ള്ള​തെ​ന്നും അ​ധി​കൃ​ത​ർ വ്യ​ക്ത​മാ​ക്കി. ദു​ബൈ പൊ​ലീ​സി​ന്​ 100 ഔ​ഡി കാ​റു​ക​ൾ എ​ത്തി​ക്കാ​ൻ ക​ഴി​ഞ്ഞ​തി​ൽ അ​തി​യാ​യ അ​ഭി​മാ​ന​മു​ണ്ടെ​ന്നും ഭാ​വി​യി​ലും കൂ​ടു​ത​ൽ മേ​ഖ​ല​യി​ൽ സ​ഹ​ക​രി​ക്കാ​ൻ ആ​ഗ്ര​ഹി​ക്കു​ന്ന​താ​യും അ​ൽ ന​ബൂ​ല ഓ​ട്ടോ​മൊ​ബൈ​ൽ​സ്​ സി.​ഇ.​ഒ കെ. ​രാ​ജാ​റാം പ​റ​ഞ്ഞു.