ദമ്മാം: ഖുർആൻ പഠനം ജനകീയമാക്കാൻ സൗദി ഇന്ത്യൻ ഇസ്ലാഹി സെൻറർ നാഷനൽ കമ്മിറ്റി നടപ്പാക്കുന്ന ‘വെളിച്ചം’ ഖുർആൻ പഠന പദ്ധതിയുടെ കിഴക്കൻ പ്രവിശ്യാ ഉദ്ഘാടനം ഡിസംബർ 27ന് ദമ്മാമിൽ നടക്കും. ക്യു.എൽ.എസ് മീറ്റ്, പ്രതിനിധി സംഗമം, ഖുർആൻ ആപ് ലോഞ്ചിങ് തുടങ്ങിയ വിവിധ സെഷനുകൾ സംഗമത്തിെൻറ ഭാഗമായി നടക്കും. വൈകീട്ട് ഏഴിന് ദമ്മാം അൽറയ്യാൻ ഓഡിറ്റോറിയത്തിൽ നടക്കുന്ന പൊതുസമ്മേളനത്തിൽ പണ്ഡിതരും നേതാക്കളും സംബന്ധിക്കും.
പരിപാടിയുടെ നടത്തിപ്പിനു വേണ്ടി സൗദി ഇന്ത്യൻ ഇസ്ലാഹി സെൻററുകളുടെ സംയുക്ത യോഗത്തിൽ വിപുലമായ സ്വാഗത സംഘം രൂപവത്കരിച്ചു. എൻജി. യൂസുഫ് തോട്ടശ്ശേരി (ചെയ.), സലീം കടലുണ്ടി (ജന. കൺ.), ഷാജഹാൻ പുല്ലിപ്പറമ്പ്, എം.വി.എം നൗഷാദ്, യൂസുഫ് കൊടിഞ്ഞി, ഹാരിസ് കടലുണ്ടി, മുജീബുറഹ്മാൻ കുഴിപ്പുറം, പി.പി. നൗഷാദ്, അൻഷാദ് കാവിൽ, സക്കീർ മഞ്ചേരി, അസ്ഹർ നിമിൽ, നാസർ ഖോബാർ, നസ്‌റുല്ല, സമീർ (സമിതി അംഗങ്ങൾ) എന്നിവരടങ്ങിയ സ്വാഗത സംഘത്തെയാണ് തെരഞ്ഞെടുത്തത്. യൂസുഫ് തോട്ടശ്ശേരി അധ്യക്ഷത വഹിച്ചു. സലീം സ്വാഗതവും ഷാജഹാൻ നന്ദിയും പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.