ജിദ്ദ: വാഴക്കാട് പഞ്ചായത്ത് കെ.എം.സി.സിയുടെ രണ്ടാമത് സെവന്സ് ഫുട്ബോള് ടൂര്ണമെൻറിന് മതാര്ഖദീം ശബാബിയ്യ സ്റ്റേഡിയത്തില് തുടക്കമായി. ആദ്യദിനത്തിലെ പ്രീക്വാര്ട്ടര് മല്സരങ്ങളില് ടൗണ് ടീം ശറഫിയ്യ, വി.സി.എ ജിദ്ദ, ഖഈം അല്ബറക, ബ്ലാസ്റ്റേഴ്സ് എഫ്.സി, ബാഹി ബര്ഗര്, സ്നേഹസ്പര്ശം ശറഫിയ്യ ടീമുകള് ജയം നേടി. കൊണ്ടോട്ടി മണ്ഡലം കെ.എം.സി.സി പ്രസിഡൻറ് നാസര് ഒളവട്ടൂര് ടൂര്ണമെൻറ് ഉദ്ഘാടനം ചെയ്തു. സംഘാടക സമിതി ചെയര്മാന് സി.സി റസാഖ് അധ്യക്ഷത വഹിച്ചു. കെ.എം.സി.സി നാഷണല് കമ്മിറ്റി ഭാരവാഹി സി.കെ ഷാക്കിര്, സെന്ട്രല് കമ്മിറ്റി ഭാരവാഹികളായ നിസാം മമ്പാട്, അന്വര് ചേരങ്കൈ, ഇസ്മാഈല് മുണ്ടക്കുളം, പി.സി.എ റഹ്മാന്, ടൂര്ണമെൻറ് കമ്മിറ്റി കണ്വീനര് മുസ്തഫ കമാല് എന്നിവർ സംസാരിച്ചു. പ്രസിഡൻറ് എക്സല് ജമാല് സ്വാഗതവും ജനറല് സെക്രട്ടറി ശറഫു വാഴക്കാട് നന്ദിയും പറഞ്ഞു. ബാക്കി മത്സരങ്ങള് ഏപ്രില് അഞ്ചിന് രാത്രി നടക്കും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.