ദമ്മാം: ദുബൈയിൽ പോയി ജുബൈലിലേക്ക് മടങ്ങിയ മലയാളി കുടുംബം അപകടത്തിൽ പെട്ട് രണ്ട് വയസ്സുള്ള പെൺകുഞ്ഞ് മ രിച്ചു. ജുബൈലിൽ ജോലിചെയ്യുന്ന തൃശൂർ ചേലക്കര പാഞ്ഞാൾ പഞ്ചായത്ത് ചിറങ്ങോണം സ്വദേശി ശാഫിഖ്^സഫ ദമ്പതികളുടെ മകൾ ശുഹദ (രണ്ട് വയസ്) ആണ് മരിച്ചത്.
സഹോദരീ ഭർത്താവിനൊപ്പം പെരുന്നാൾ ആഘോഷിക്കാൻ ദുബൈയിലേക്ക് പുറപ്പെട്ട കുടുംബം തിരികെ വരും വഴിയാണ് അപകടം. ശനിയാഴ്ച അതിരാവിലെ സൗദി അതിർത്തിയായ സൽവയിൽ ഇവർ സഞ്ചരിച്ച കാർ നിയന്ത്രണം വിട്ട് ഡിവൈഡറിൽ ഇടിച്ചശേഷം റോഡിന് പുറത്തേക്ക് ചാടുകയായിരുന്നു.
ഇതിെൻറ ആഘാതത്തിൽ മൺകൂനയിലേക്ക് തെറിച്ച് വീണാണ് കുഞ്ഞ് മരിച്ചത്. മാതാവും പുറത്തേക്കു വീണെങ്കിലും പരിക്കേൽക്കാതെ രക്ഷപ്പെട്ടു. സൽവ ഗവൺമെൻറ് ആശുപത്രിയിലുള്ള കുട്ടിയുടെ മൃതദേഹം സൗദി മിനായ് ഖബർസ്ഥാനിൽ ഖബറടക്കും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.