ജിദ്ദ: തലശ്ശേരി മാഹി വെൽഫെയർ അസോസിയേഷൻ അംഗങ്ങൾക്കായി നടത്തിയ ഏകദിന ഫൈവ്സ് ക്രിക്കറ്റ് ടൂർണമെൻറിൽ സൈനുൽ ആബിദ് ടീം ചാമ്പ്യന്മാരായി. ഫൈനൽ മത്സരത്തിൽ താഹിർ മഷൂർ ടീമിനെ ആറു വിക്കറ്റിനാണ് തോൽപിച്ചത്. ഫൈനലിൽ മികച്ച ആൾ റൗണ്ട് പ്രകടനം കാഴ്ചവെച്ച നിജിലിനെ മികച്ച താരമായി തെരഞ്ഞെടുത്തു. മെഹ്ഫൂസിനെ മികച്ച ബൗളറായി തെരഞ്ഞെടുത്തു. മികച്ച ബാറ്റ്സ്മാൻ ടീം ധർമടത്തിെൻറ അബ്ദുൽ ഖാലിഖ്.
പ്രസിഡൻറ് വി. പി സലീം ഉദ്ഘാടനം ചെയ്തു. അബ്്ദുൽ ലത്തീഫ് നടുക്കണ്ടി, കെ.എം അബ്ദുൽ കരീം, എ.പി.എം മുഹമ്മദ് അലി എന്നിവർ ട്രോഫികൾ വിതരണം ചെയ്തു. അബ്്ദുൽ ഖാദർ മോച്ചേരി സ്വാഗതവും ജനറൽ സെക്രട്ടറി അർഷദ് പി അച്ചാരത്ത് നന്ദിയും പറഞ്ഞു. കോർഡിനേറ്റർമാരായ റിജാസ് അസൈൻ, ഹിഷാം മാഹി എന്നിവർ നേതൃത്വം നൽകി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.