ഇ.കെ നഈം
അൽഖോബാർ: സൗദി^റഷ്യ സാംസ്കാരിക വിനിമയത്തിെൻറ ഭാഗമായി വിശ്വപ്രസിദ്ധമായ ‘സ്ലാവാസ് സ്നോ ഷോ’ ദഹ്റാ നിലെ ഇത്റയിൽ അരങ്ങേറി. ഇത്റയിൽ നടക്കുന്ന തൻവീൻ സർഗമേളയിലാണ് റഷ്യൻ കലാപ്രകടനം അരങ്ങേറിയത്.20 വർഷം മുമ്പ് മോസ്കോയിൽ റഷ്യൻ കലാകാരനായ സ്ലാവാ പൊലുനിൻ ആണ് ഈ കല ആവിഷ്കരിച്ചത്. 120 രാജ്യങ്ങളിലായി ഏഴായിരത്തോളം പ്രദർശനങ്ങൾ അരങ്ങേറിയിട്ടുണ്ട്.ഏഴ് ദശലക്ഷത്തിലധികം ആളുകൾ പരിപാടി നേരിട്ട് കണ്ടതായി അണിയറ ശിൽപികൾ അവകാശപ്പെടുന്നു. 23 അവാർഡുകൾക്കും ഇത് അർഹമായി.
ചിരിപ്പിക്കുകയും ചിന്തിപ്പിക്കുകയും ചെയ്യുന്ന നാടക കലയാണ് സ്ലാവാസ് സ്നോ ഷോ. യക്ഷിക്കഥകളും സ്വപ്ന തുല്യമായ കഥകളിലുമായിരുന്നു ഇതിെൻറ തുടക്കം. മുതിർന്ന അളുകൾക്കും കുട്ടികളെപ്പോലെ ആസ്വദിക്കാൻ കഴിയും എന്നത് ഇതിെൻറ സവിശേഷതയാണ്. ശനിയാഴ്ചയായിരുന്നു ആദ്യ പ്രദർശനം. ആഹ്ലാദാരവങ്ങളോടെയാണ് സ്ലാവാസ് സ്നോ ഷോ’യെ കാണികൾ ഏറ്റെടുത്തത്. ഈ മാസം 27 വരെ തുടരും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.