മലയാളിയുടെ കാമറ കണ്ണിലുടക്കി ‘കിങ്​ ജിർദ്​’

റിയാദ്​: മരുഭൂമിയിലെ വന്യജീവിതങ്ങളെ തേടി അലയുന്ന ഫോ​േട്ടാഗ്രാഫർമാർക്ക്​ വളരെ അപൂർവമായേ ജീവികളെയൊക്കെ കാ ണാൻ അവസരമുണ്ടാകൂ. കണ്ടാൽ തന്നെ ഫോ​േട്ടാക്ക്​ വേണ്ടി അവ നിന്ന്​ തരണമെന്നുമില്ല. വംശനാശം സംഭവിക്കുന്ന ‘കിങ്​ ജ ിർദ്​’ എന്ന ജീവിയുടെ ഭംഗിയെഴുന്ന നിൽപ്​ കാമറയിലാക്കാൻ കഴിഞ്ഞ സന്തോഷത്തിലാണ്​ റിയാദിലെ മലയാളി ഫോ​േട്ടാഗ്ര ാഫർ നൗഷാദ്​ കിളിമാനൂർ. മൂഷിക വംശാവലിയിൽ പെട്ട ഒരു ജീവിയാണ്​ സൗദി അറേബ്യയിലും യമനിലും മാത്രം കാണുന്ന കിങ്​ ജിർ ദ്​.

കേരളത്തിലെ വെള്ള എലിയുടെ അറേബ്യൻ വംശബന്ധുവായ ഇത്​ ഇൻറർനാഷനൽ യൂനിയൻ ഫോർ കൺസർവേഷൻ ഒാഫ്​ നേച്ചർ (​െഎ.യ.സി.എൻ)​​െൻറ റെഡ്​ ലിസ്​റ്റിൽ ഉൾപ്പെട്ട വംശനാശ ഭീഷണിയുള്ള ജീവി വർഗമാണ്​. മെറിനോസ്​​ റെക്​സ്​ എന്ന സസ്​തനി വർഗത്തിലെ ഉപവർഗം. റിയാദ്​ നഗരത്തി​​െൻറ വടക്ക്​ 100 കിലോമീറ്ററകലെ റൗദത്തുൽ ഖുറൈം എന്ന പച്ചത്തുരുത്ത്​ ഇത്തരത്തിൽ പലതരം ചെറു ജീവികളുടെ ആവാസ കേന്ദ്രമാണ്​. അവിടെ നിന്നാണ്​ മരുഭൂമിയിലെ ഇൗ വെള്ള എലിയുടെ ചേതോഹരമായ ചിത്രം നൗഷാദ്​ പകർത്തിയത്​.

റൗദത്തുൽ ഖുറൈം, രാജകീയ വനം
മരുഭൂമിയിൽ നട്ടുനനച്ചുവളർത്തിയ വനമാണ്​ ‘റൗദത്തുൽ ഖുറൈം’. രാജാവി​​െൻറ വനമെന്നാണ്​ ഇത്​ അറിയപ്പെടുന്നത്​. സൗദി അറേബ്യയുടെ മുൻ ഭരണാധികാരി അബ്​ദുല്ല രാജാവ്​ സ്വകാര്യമായി പരിപാലിച്ചിരുന്നത്​ കൊണ്ടാണ്​ ഇതിന്​ ആ പേര്​ വന്നത്​. അദ്ദേഹം വസന്തകാലത്ത്​ ഇവിടം സന്ദർശിക്കുകയും ഇൗ പ്രദേശത്തുള്ള വസതിയിൽ താമസിക്കുകയും ചെയ്യുമായിരുന്നു. പിന്നീടതിനെ വൈൽഡ്​ ലൈഫ്​ പാർക്കാക്കി ഉയർത്തി കിരീടാവകാശിയായിരിക്കു​േമ്പാൾ 2005ൽ​ ‘‘റൗദത്തുൽ ഖുറൈം വൈൽഡ്​ ലൈഫ്​ പാർക്ക്​’ എന്ന പേരിൽ അദ്ദേഹം അതി​​െൻറ ഉദ്​ഘാടനം നിർവഹിക്കുകയും ചെയ്​തിരുന്നു. ശൈത്യകാലത്ത്​ തളിരിടുകയും പുഷ്​പിക്കുകയും ചെയ്​ത്​ അഭൗമമായ സൗന്ദര്യം വിടർത്തുന്ന സപുഷ്​പികളുടെ ഉദ്യാനമാണിത്​.​

അതിസൂക്ഷ്​മ പ്രാണികൾ മുതൽ അത്യാവശ്യം വലിയ സസ്​തനികൾ വരെ വിഹരിക്കുന്ന റൗദത്തുൽ ഖുറൈം മരുഭൂമിയിലെ ജൈവവൈവിധ്യത്തി​​െൻറ സമൃദ്ധമായ പച്ചത്തുരുത്താണ്​. മരുഭൂമിയുടെ മണൽ നിറം കണ്ട്​ സഞ്ചരിച്ചുകൊണ്ടിരിക്കെ പൊടുന്നനെ കാഴ്​ചയിലേക്ക്​ വന്ന്​ നിറയുന്ന ഹരിതാഭയുടെ കാന്തിയാണ്​ റൗദത്തുൽ ഖുറൈം. അതിവിശാലതയിൽ പടർന്നു കിടക്കുന്നു. ഇന്ന്​ ഏതാണ്ട്​ എല്ലാത്തരം അത്യപൂർവ ജീവിവർഗങ്ങളും ഇവിടെ സംരക്ഷിക്കപ്പെടുന്നു.

ചെറുമാനുകളും പലയിനം പക്ഷിവർഗങ്ങളുമെല്ലാം ഇവിടെയുണ്ട്​. പലതരം പുഷ്​പവർഗങ്ങളെയും സൂക്ഷ്​മപ്രാണികളെയും ഇതര സസ്യ ജന്തുജാലങ്ങളെയും നേരിട്ട്​ നിരീക്ഷിക്കാനും പഠന ​ഗവേഷണങ്ങൾ നടത്താനും റിയാദിലെ യൂനിവേഴ്​സിറ്റികൾ വിദ്യാർഥികളെ റൗദത്തുൽ ഖുറൈമിലേക്ക്​ അയക്കാറുണ്ട്​.