യന്ത്രതകരാർ: എയർ ഇന്ത്യ റിയാദ്​-കൊച്ചി വിമാനം മൂന്നുമണിക്കൂർ വൈകി

റിയാദ്​: യന്ത്രതകരാർ മൂലം റിയാദിൽ നിന്നുള്ള എയർ ഇന്ത്യ കൊച്ചി വിമാനം മൂന്നുമണിക്കൂർ വൈകി. ഞായറാഴ്​ച ഉച്ചകഴി ഞ്ഞ്​ 3.50ന്​ പുറപ്പെടേണ്ടിയിരുന്ന എ.​െഎ 924 വിമാനമാണ്​ വൈകീട്ട്​ 7.30ന് പറന്നത്​. വിമാനത്തിൽ പോകാൻ ഉച്ചക്ക്​ മുമ്പ ്​ തന്നെ റിയാദ്​ കിങ്​ ഖാലിദ്​ വിമാനത്താവളത്തിൽ എത്തിയ 142 യാത്രക്കാർക്കും ഉച്ചഭക്ഷണമടക്കമുള്ള എല്ലാ സൗകര്യങ് ങളും എയർ ഇന്ത്യ റിയാദ്​ അധികൃതർ ഒരുക്കി. നേരിട്ട്​ കൊച്ചിയിലേക്കുള്ള വിമാനത്തിൽ പോകാൻ നിരവധി കുടുംബങ്ങളും യാത്രക്കാരുടെ കൂട്ടത്തിലുണ്ടായിരുന്നു.

ബോർഡിങ്​ പാസ്​ കിട്ടിയ ശേഷമാണ്​ വിമാനം വൈകുമെന്ന വിവരം യാത്രക്കാർ അറിഞ്ഞത്​. യന്ത്രതകരാറാണ്​ വൈകാൻ കാരണമെന്ന്​ എയർ ഇന്ത്യ റിയാദ്​ എയർപോർട്ട്​ ഡ്യൂട്ടി മാനേജർ സിറാജുദ്ദീൻ പരപ്പനങ്ങാടി ‘ഗൾഫ്​ മാധ്യമ’ത്തോട്​ പറഞ്ഞു. മുംബൈയിൽ നിന്ന്​ വരുന്ന വിമാനമാണ്​ കൊച്ചിയി​േലക്ക്​ പോകേണ്ടത്​. കൃത്യസമയത്ത്​ തന്നെ മുംബൈയിൽ നിന്ന്​ വിമാനം പുറപ്പെട്ടിരുന്നു. എന്നാൽ 25 മിനുട്ടിന്​ ശേഷം എൻജിൻ തകരാർ ശ്രദ്ധയിൽപ്പെട്ടതിനെ തുടർന്ന്​ മുംബൈ വിമാനത്താവളത്തിൽ തിരിച്ചിറക്കുകയായിരുന്നെന്നും സിറാജുദ്ദീൻ പറഞ്ഞു. തകരാർ പരിഹരിച്ച്​ വൈകീട്ട്​ 6.30ഒാടെ റിയാദിലെത്താനാണ്​ റീഷെഡ്യൂൾ ചെയ്​തിരിക്കുന്നതെന്നും 7.30ഒാടെ റിയാദിൽ നിന്ന്​ പുറപ്പെടുന്ന വിമാനം പുലർച്ചെ 2.45ഒാടെ കൊച്ചിയിൽ എത്തുമെന്നും അദ്ദേഹം കൂട്ടിച്ചേർത്തു.

അതേസമയം മുംബൈയിൽ നിന്ന്​ പുറപ്പെട്ട വിമാനം പറഞ്ഞതിനെക്കാൾ അൽപം കൂടി വൈകി ഏഴിനാണ്​ റിയാദിൽ ലാൻഡ്​ ചെയ്​തത്​. മുംബൈയിൽ നിന്നുള്ള യാത്രക്കാരെ ഇറക്കി പെ​െട്ടന്ന്​ തന്നെ ടെർമിനലിൽ കാത്തുനിന്ന യാത്രക്കാരെയെല്ലാം കയറ്റി 7.45ഒാടെ കൊച്ചിയിലേക്ക്​ തിരിച്ചു. യാത്ര വൈകിയെ-ങ്കിലും യാത്രക്കാർക്ക്​ പരമാവധി ബുദ്ധിമുട്ടുണ്ടാകാതിരിക്കാനുള്ള സംവിധാനങ്ങളെല്ലാം റിയാദ്​ റീജനൽ ഒാഫീസ്​ അധികൃതർ ഒരുക്കിയിരുന്നു. കൃത്യസമയത്ത്​ തന്നെ എല്ലാ യാത്രക്കാർക്കും ഉച്ചഭക്ഷണം നൽകി. ആവശ്യമായ സമയങ്ങളിലെല്ലാം കുടിവെള്ളവും നൽകി. അതിനിടെ ജെറ്റ്​ എയർവേയ്​സി​​െൻറ റിയാദിൽ നിന്ന്​ ഡൽഹിക്കുള്ള മുഴുവൻ വിമാന സർവീസുകളും മാർച്ച്​ 30വരെ റദ്ദാക്കിയതായി വിവരം ലഭിച്ചു. ‘ഒാപറേഷൻസ്​ റീസൺ’ എന്നാണ്​ കാരണമായി കാണിച്ചിരിക്കുന്നതെന്ന്​ ബന്ധപ്പെട്ട വൃത്തങ്ങളിൽ നിന്ന്​ അറിയുന്നു.