പ്രതീക്ഷ സഫലമായി; 25,000 ഹാജിമാർക്ക്​ കൂടി ഇത്തവണ ഹജ്ജിന്​ വരാം

ജിദ്ദ: ഇൗ വർഷം തന്നെ ഹജ്ജ്​ ക്വാട്ടയിൽ വർധനവുണ്ടാവുമെന്ന ഇന്ത്യൻ ഹജ്ജ്​ മിഷ​​െൻറ പ്രതീക്ഷ സഫലമായി. സൗദി കിരീട ാവകാശിയുടെ ഡൽഹി പ്രഖ്യാപനത്തോടെ 25000 പേർക്കാണ്​ ഇത്തവണ ഇന്ത്യയിൽ നിന്ന്​ അധികമായി പുണ്യഭിമിയിൽ എത്താനാവുക എന ്നാണ്​ പ്രതീക്ഷിക്കുന്നത്​. നേരത്തെ 1.75000 പേർക്കായിരുന്നു അവസരം. ഇത്തവണ കൂടുതൽ പേർക്ക്​ സൗകര്യം ഒരുക്കുമെന്ന്​ ഇന്ത്യൻ കോൺസൽ ജനറൽ മുഹമ്മദ്​ നൂർ റഹ്​മാൻ ശൈഖ്​ ഗൾഫ്​ മാധ്യമ​ത്തോടു പറഞ്ഞു. താമസം യാത്ര ഉൾപെടെ അധിക സൗകര്യങ്ങൾ ഇന്ത്യൻ ഹജ്ജ്​ മിഷൻ ഒരുക്കേണ്ടതുണ്ട്​്​. കഴിഞ്ഞ ഡിസംബറിലാണ്​ ഇന്ത്യയും സൗദിയും തമ്മിൽ 2019 ലെ ഹജ്ജ്​ കരാർ ഒപ്പുവെച്ചത്​. കേന്ദ്ര ന്യൂനപക്ഷ കാര്യമന്ത്രി മുഖ്​താർ അബ്ബാസ്​ നഖ്​​വിയും സൗദി ഹജ്ജ്​ മന്ത്രി മുഹമ്മദ്​ സാലിഹ്​ ബിന്ദനുമാണ്​ കരാറിൽ ഒപ്പുവെച്ചത്​. ഇന്ത്യയുടെ ഹജ്ജ്​ ക്വാട്ട വർധിപ്പിക്കണമെന്ന ആവശ്യത്തോട്​ സൗദിയുടെ ഭാഗത്ത്​ നിന്ന്​ അനുകൂല തീരുമാനമുണ്ടാവുമെന്ന്​ ​ശുഭപ്രതീക്ഷയുണ്ടെന്ന് അന്ന്​ അദ്ദേഹം ജിദ്ദയിൽ പറഞ്ഞിരുന്നു.

ഇന്ത്യയിലെ മുസ്​ലീം ജനസംഖ്യക്ക്​ ആനുപാതികമായി ക്വാട്ട വർധിപ്പിച്ചു തരണമെന്നായിരുന്നു ആവശ്യം.​ മൂന്ന്​ ലക്ഷം പേരാണ്​​ ഇൗ വർഷം ഇന്ത്യയിൽ നിന്ന്​ ഹജ്ജിന് അപേക്ഷ സമർപ്പിച്ചിരുന്നത്​​. 1,75,000ത്തിൽ നിന്ന്​ 1,90,000 ആവുമെന്നായിരുന്നു ഇന്ത്യൻ അധികൃതരുടെ പ്രതീക്ഷ.​ എന്നാൽ സൗദി കിരീടാവകാശിയുടെ ഇന്ത്യാസന്ദർശനത്തിലുണ്ടായ പ്രഖ്യാപനം ഹജ്ജിന്​ അവസരം കാത്തിരിക്കുന്ന വിശ്വാസികൾക്ക്​ സന്തോഷം പകരുന്നതാണ്​. കോഴി​ക്കോട്​ നിന്നടക്കം ഇത്തവണ 21 ഹജ്ജ്​ എംബാർക്കേഷൻ പോയിൻറുകളാണ്​ ഉണ്ടാവുക. എംബാർക്കേഷൻ പോയിൻറുകളിൽ നിന്ന്​ തന്നെ എമിഗ്രേഷൻ നടപടികൾ പൂർത്തിയാക്കുന്ന പദ്ധതി ഇന്ത്യയിൽ നടപ്പിലാക്കാനായിട്ടില്ല. കപ്പൽ മാർഗം ഇന്ത്യൻ ഹാജിമാരെ കൊണ്ടുവരുന്നതിനുള്ള നടപടികൾ പു​േരാഗമിക്കുകയാണ്​. 2020 ൽ ഇത്​ സാധിക്കുമെന്നാണ്​ അധികൃതർ പ്രതീക്ഷിക്കുന്നത്​. ഇന്ത്യൻ ഹജ്ജ്​ മിഷൻ കഴിഞ്ഞ വർഷത്തേക്കാൾ നേരത്തെ തയാറെടുപ്പുകൾ ആരംഭിച്ചിട്ടുണ്ട്​. ഹാജിമാരുടെ താമസം ഗ്രീൻ, അസീസിയ കാറ്റഗറികളിലാണ്​ ഉണ്ടായിരുന്നത്​. ​ഹറമിന്​ പരിസരത്ത്​ നടക്കാവുന്ന ദുരത്തിൽ താമസിക്കുന്നവരാണ്​ ഗ്രീൻ കാറ്റഗറിയിൽപെടുക. നോൺ കുക്ക്​, നോൺ ട്രാൻസ്​ പോർട്ട്​ വിഭാഗമായാണ്​ ഇനി ഇത്​ അറിയപ്പെടുക.