റിയാദ്: ഹൃദയാഘാതം മൂലം മലയാളി റിയാദിൽ മരിച്ചു. മലപ്പുറം പരപ്പനങ്ങാടി പാലത്തിങ്ങൽ സ്വദേശി ചപ്പങ്ങത്തിൽ ഹൗസ് അബ്ദുസ്സമദ് (52) ഞായറാഴ്ച രാവിലെ ബത്ഹയിലെ സ്വകാര്യ ക്ലിനിക്കിലാണ് മരിച്ചത്. ബത്ഹ ശാര മർഖബിലെ അൽഹബ്ദാൻ ചെരുപ്പ് കമ്പനിയുടെ സുലൈയിലുള്ള െവയർഹൗസിൽ ഡ്രൈവറാണ് ഇദ്ദേഹം. രാവിലെ ഡ്യൂട്ടിക്ക് പോകാൻ മുറിയിൽ നിന്നിറങ്ങുേമ്പാൾ തന്നെ നെഞ്ചുവേദന അനുഭവപ്പെട്ടിരുന്നു. തുടർന്ന് ജോലിക്ക് പോകാതെ സഹപ്രവർത്തകനെയും കൂട്ടി ബത്ഹയിലെ ക്ലിനിക്കിലേക്ക് വരികയായിരുന്നു. രാവിലെ ഒമ്പതോടെയാണ് മരണം സംഭവച്ചിത്. മൃതദേഹം ശുമൈസി ആശുപത്രി മോർച്ചറിയിൽ. 25 വർഷമായി ഇതേ കമ്പനിയിൽ ജോലി ചെയ്യുന്നു. നാട്ടിൽ പോയി മടങ്ങിയെത്തിയിട്ട് രണ്ട് വർഷമായി. ഭാര്യ: ഹാജറ. നാല് മക്കൾ. മൂന്ന് ആൺകുട്ടികളും ഒരു പെൺകുട്ടിയും. ജിദ്ദയിലുള്ള മകൻ ആസിഫ് വിവരമറിഞ്ഞ് റിയാദിലേക്ക് തിരിച്ചിട്ടുണ്ട്. മൃതദേഹം നാട്ടിൽ കൊണ്ടുപോകുമെന്ന് ബന്ധുക്കൾ അറിയിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.