Posted On
date_range Updated On
date_range അറബ് ലീഗിന് കിസ്വ കഷ്ണം സമ്മാനിച്ച് സൗദി അറേബ്യ
റിയാദ്: കഅ്ബയുടെ മൂടുപടമായ കിസ്വയുടെ ഒരു ഭാഗം അറബ് ലീഗിന് സമ്മാനമായി സൗദി അറേബ്യ കൈമാറി. ഈജിപ്ത് ആസ്ഥാനമായ കെയ്റോവിൽ നടന്ന അറബ് ലീഗ് കൗൺസിൽ യോഗത്തിലാണ് ഈ സുപ്രധാന ചടങ്ങ് നടന്നത്.
സൽമാൻ രാജാവിെൻറ പ്രത്യേക നിർദ്ദേശപ്രകാരമാണ് വിദേശകാര്യ ഉപമന്ത്രി എൻജി. വലീദ് അൽഖുറൈജി കിസ്വയുടെ ബെൽറ്റിെൻറ ഒരു ഭാഗം അറബ് ലീഗ് സെക്രട്ടറി ജനറൽ നബീൽ ഫഹ്മിക്ക് സമ്മാനമായി നൽകിയത്.
അറബ് ലീഗിലെ അംഗരാജ്യങ്ങളുമായുള്ള സൗഹൃദബന്ധം കൂടുതൽ ദൃഢമാക്കാനുള്ള സൗദി അറേബ്യയുടെ ആഗ്രഹമാണ് ഈ സമ്മാനത്തിലൂടെ വ്യക്തമാക്കുന്നത്. ലോകമെമ്പാടുമുള്ള മുസ്ലീങ്ങൾക്കിടയിൽ കഅ്ബയ്ക്കുള്ള അദ്വിതീയമായ മതപരമായ പ്രാധാന്യത്തോടുള്ള ആദരവും, സംയുക്ത അറബ് പ്രവർത്തനങ്ങളെ ശക്തിപ്പെടുത്തുന്നതിൽ അറബ് ലീഗ് വഹിക്കുന്ന നിർണായക പങ്കിനുള്ള പിന്തുണയുമാണ് ഇതിലൂടെ അടയാളപ്പെടുത്തുന്നത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.